1 Ɓakɔlítɔ 9:18 - Ɔngana á Kɛ̌kɛ

¹⁸ Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

1 Ɓakɔlítɔ 9:18 Iomraidhean Croise

Yoáni 4:36

Nto á ɗungu a ye tɔ n'ophendɔ nɛkɛ, a phɔtɔ odondanisaga mbó ka nyɔngɔ á enda á mɛyɔ. Cɔ, nkonanigi na nto á ɗungu ɓá tɔ na maseye kimoci.

Ekuma á ɓateki 18:3

Áoika mɔtɛ-aɓɔ n'aɔbɛɗanaga nga, ekuma nɛɓɔ ɗátú á etéte moci, n'ande á ɓɔngisiaga á ɛma.

Ɓalɔ́ma 14:15

Aoɓá n'omɓɛisi dakɔ ka nyɔngɔ á eea nde ooea, o ye tɔ otambea kángá ekondi. Nna ka nyɔngɔ á eea unge ɔɔtɔka n'omɓúngisi nkpa nde Yéso ɗánkui.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 3:8

Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

1 Ɓakɔlítɔ 7:31

ɓunde ɓáɔbɛɗaneaga nkumba á ka mokonda, ɓáɓɛ ɓea ɓakpa nde ɓákáɔbɛɗaneaga ú nga, mokonda nde aoga ka sungiaga í.

1 Ɓakɔlítɔ 8:9

Ɛ́ngɛphani nga, ɓî ɓogbau, gbaua ndɔ, kěgúsɛ mɔnɔ gǎkɛ ɓakpa nde ɓeekea nɛɓɔ kámɔti.

1 Ɓakɔlítɔ 9:12

Cɔ, kaɓɛ ɓakpa ɓuangbo na ɓá na kɔkɔta á tɔá á kema ka njaga anu, ɓesu ɓéké phɔtɔ na kɔkɔta phɛɛ á tɔá á kema ka njaga anu? Cɔ, ɓesu, ɗéɓekébɛɗaneigi kɔkɔta ndɔ, ɓê ndiu oɗeketa kɔkɔta ndɔ ka gea, ɓékéimisiɛ mɔnɔ tútuisa á Nyɔngɔ-Ánjá ndea Kiísito.

1 Ɓakɔlítɔ 9:15

Cɔ, eme, ɗékénɔmɛmi gǎkɛ gea ɓómoengɛ ka ɓeana n'índɔ bui. Kéɗundu ɓó ka gea, nɛɔnɔmɛma ɓómoengɛ. Nétókondi nékuwɛ na nkpa na ka moyeyi ka phɔa á nyɔngɔ nde neǒbeba ně.

1 Ɓakɔlítɔ 9:17

Atúoɓá eme aámbé ɗɛ́sɔmbu ekuma nde sasani, ámbé netókeni na tɔá á ophendɔ. Cɔ, ka ɔna gea ɓámososi, akeni gǎkɛ tɔ nɛ́tɔtɔkisɛ ú.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

1 Ɓatɛsalɔníka 2:6

Ɓéké phɔtɔ okáɓa obebɔ ka ɓakpa, kaɓɛ ka ɓenu, kaɓɛ ka ɓakpa ɓuangbo.