1 Ɓakɔlítɔ 9:17 - Ɔngana á Kɛ̌kɛ

¹⁷ Atúoɓá eme aámbé ɗɛ́sɔmbu ekuma nde sasani, ámbé netókeni na tɔá á ophendɔ. Cɔ, ka ɔna gea ɓámososi, akeni gǎkɛ tɔ nɛ́tɔtɔkisɛ ú.

1 Ɓakɔlítɔ 9:17 Iomraidhean Croise

Matáyɔ 10:41

Nkpa nde ansesi mɔtu-nyɔngɔ ndea Mokonga ka nyɔngɔ nde ande mɔtu-nyɔngɔ ndea Mokonga, atɔande ophendɔ nde akenani ka mɔtu-nyɔngɔ ndea Mokonga. Nkpa nde ansesi nto á koɗoni ka nyɔngɔ nde ande nto á koɗoni, atɔande ophendɔ nnde akenani ka nto á koɗoni.

Matáyɔ 24:25

Cɔ, ɔ́kani phɔ́! Ɗégɔɓi ye na nenóngoɗi nyɔngɔ nde bui mosá.

Lóka 12:42

Mɔkɔta áonsikisia te: «Ani mmbé ande mbɛɗanigi á koɗoni n'ande múbaphi? Nga mɔkɔta nɛkɛ ambisi gǔ á ɓadakɛ ka gabea aɓɔ eea mbenɔ nde ɓá na siki í.

Yoáni 4:36

Nto á ɗungu a ye tɔ n'ophendɔ nɛkɛ, a phɔtɔ odondanisaga mbó ka nyɔngɔ á enda á mɛyɔ. Cɔ, nkonanigi na nto á ɗungu ɓá tɔ na maseye kimoci.

1 Ɓakɔlítɔ 3:14

Aoɓá ekuma á mɔphɛkɔ ndea nkpa na kásiɗi, nkpa ndɔ atɔande ophendɔ.

1 Ɓakɔlítɔ 3:8

Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

1 Ɓakɔlítɔ 9:16

Kɛ́ɔtɔka na něbebi ka tɔ̌miaga á Mbino-Ánjá nga, ande kema nde ɓámososi. Ande ngomi k'éme aoɓá na kɛ́tɔ̌migi Mbino-Ánjá.

1 Ɓakɔlítɔ 9:18

Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

2 Ɓakɔlítɔ 8:12

Nga, aoɓá na ɓobisi mɔphɛ ánjá, Mokonga aɓeekeande kema nde ɓogabi, ka ɓeana na nnde nkpa aně, nna gǎkɛ k'índe nkpa nna ně.

Ɓagalatía 2:7

Ɗáɓáɔni ndiu gea, Mokonga amopi ekuma á tɔ̌miaga Mbino-Ánjá ka ɓakpa nde ɓáná Ɓayúda, ɓíndɔ ɗámophi Pɛ́tɛɛ ekuma á tɔ̌miaga á Mbino-Ánjá ka Ɓayúda.

Ɓakɔlɔsái 1:25

Eme ne ye tɔ mbɛɗanigi á kanisa ɓíndɔ Mokonga ɗámopi gea, nɛ́bɛɗanɛgɛ ka nyɔngɔ anu. Ekuma ndɔ ande tɔ̌miaga á nyɔngɔ nɛkɛ bubui.

1 Ɓatɛsalɔníka 2:4

Ɓe ndiu ɔphɛa ɓíndɔ Mokonga akondi. Nga, ɗásɔɔphani, áosópha Mbino-Ánjá nɛkɛ. Ɓéké phɔtɔ okáɓa ékondisaga na ɓakpa, ɓe ndiu ǒkondisaga na Mokonga, mmbé aoengekisa měma asu.

Philɛmɔ́nɔ 1:14

Kétókondi gǎkɛ gea ka kema, kángá oɓɛ ɓeekea. Kétókondi nekososeɛ gea ɓonjánja ka phɔani, netókondi ndiu gea, ɓonjánja ndɔ, atókɛ ka měma akɔ sasakɔ.