1 Ɓakɔlítɔ 9:1 - Ɔngana á Kɛ̌kɛ

¹ Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

1 Ɓakɔlítɔ 9:1 Iomraidhean Croise

Ekuma á ɓateki 13:2

Esa moci, ɓî ɗáɓáombeba Mɔkɔta, na ika kángá á eaga ka nyɔngɔ á mɛma á Mokonga, Měma á kanga ɓojeɗe áǒngoɗea te: «Óbisani Baanába na Saúlɔ ka mpɛphɛ. Nga, nɛ̌ɓɔphani k'ékuma.»

Ekuma á ɓateki 14:14

Ɓî ɓateki, Baanába na Pɔ́lɔ ɓáɔ́ki nndɔ, ɓáonyuaga ngɔ́mbɛ nɛɓɔ, ɓáokamisaga ngia ka usɛsɛ á ɓakpa na ɓáokoga gea:

Ekuma á ɓateki 14:4

Ɓato á ka nji ndɔ ɓâ gǎkɛ okatanaga. Ɓunɛngbo ɓáoɓá nkɛkɛɔ á Ɓayúda, ɓunɛngbo nkɛkɛɔ á ɓateki.

Ekuma á ɓateki 23:11

Kǐpha ndɔ, Mɔkɔta áonkiɗianea, áongea te: «Pɔ́lɔ, bisa měma akɔ! A tɔ ɓíndɔ oɗigimisi nyɔngɔ nɛmɔ ka Yɛusalɛ́ma, aunge akeni phɔtɔ óɗigimisɛ ú ka Lɔ́ma.»

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ekuma á ɓateki 9:17

Mpɔ, Ananía áoga. Akiɗi ye k'éndu, áobisa njaga gǔ á Saúlɔ, áongea te: «Saúlɔ dani, Mɔkɔta Yéso, mmbɔ aokiɗianeima k'aphe ɓî otúma obika, amoteki mɔtɛ-akɔ gea, ɔ́ɔnaphɛ goto, Měma á kanga ɓojeɗe átúmɛ phɔtɔ suɓi akɔ.»

Ekuma á ɓateki 9:3

N'a phɔ́tɔ k'aphe, bíbí á nji ndɔ, mɔngɔ ímoci owanga áotóka na koba, áonkomba, njuaa!

Ekuma á ɓateki 9:5

Yɛ, áomúsia te: «Mɔkɔta, onde ani?» Mɔkɔta áonsikisia: «Nende Yéso, mmbɔ oontambisaga.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 11:13

Neonóngoɗea ɓenu íɓundɔ ɓókó Ɓayúda gea: Nende nteki nɛnu. Ɓî a ɓó, nena maseye k'ékuma nɛmɔ.

1 Ɓakɔlítɔ 1:1

Ka ɓato á kanisa ndea Mokonga, nnde á ka Kɔlítɔ, sambani. Eme Nteki Pɔ́lɔ aámbé nenóɗundui ɓaoɓa ndee. Yéso Kiísito aámbé ɗámɔɔphani ɓíndɔ Mokonga ɗákondi. Muna-amasu Sɔsitɛ́ni anósambei phɔtɔ. Kiísito ɗánɔɔphani ka gea, ɓóɓɛ ɓakpa nɛkɛ. Ɓo goto tɔ k'ékombo nde ɓáɔmɛma Mɔkɔta nɛsu Kiísito Yéso k'ɔ́ma bui. Yɛ ande Mɔkɔta nɛsu na Mɔkɔta ndea ɓaɓêki ɓɔbu.

1 Ɓakɔlítɔ 10:29

Nɛyɔngi ɓó ka nyɔngɔ á měma á nkpa ndɔɔ, nna ka nyɔngɔ á měma anu. Cɔ, ka nyɔngɔ sina nde nyɔngɔ á měma á nkpa ɓaangbo, aoimisia nyɔngɔ á kema nde neogea ú kángá ngǎka?

1 Ɓakɔlítɔ 10:30

Kaɓɛ na neonsega Mokonga ka kema nde neoea, cɔ, ɓakpa ɓáomoca ka nyɔngɔ á kema nde neonsega Mokonga kau ka ɓo?

1 Ɓakɔlítɔ 11:16

A gǎkɛ oɓá nkpa n'aopúa ka nyɔngɔ ndɔ, kaɓɛ ɓesu, kaɓɛ kanisa ndea Mokonga, áúbɛ gea, ɓéké na asii nɛngbo.

1 Ɓakɔlítɔ 3:6

Eme, ɗékoni mbó, Apɔ́lɔ áoɗukia iɓo, Mokonga â gǎkɛ ɔtɛisa ú.

1 Ɓakɔlítɔ 9:19

Nna na nkpa nde nende nkɔɓɛ nɛkɛ. Eme, ɗéněbisi gǎkɛ sasani nkɔɓɛ ndea ɓakpa ɓɔbu ka gea, nééɓoteɛ ɓakpa ɓásii, ɓáɓɛ ɓakiísito.

2 Ɓakɔlítɔ 10:7

Ɓo tɔ kɔɛnjia kema gǔ-gǔ. Aoɓá nkpa n'aoúba te, ande nkpa ndea Kiísito, áúbɛ phɔtɔ gea, ɓesu ɓe phɔtɔ ɓó.

2 Ɓakɔlítɔ 11:5

Cɔ, neokanisia te, ɓateki ndɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 1:1

Ka ɓaɓêki á ka Galatía sambani! Eme Pɔ́lɔ aámbé neɗundu ɓaoɓa ndee. Nende nteki, nna ka mɔphɛ á ɓakpa na nna nkpa aámbé amoɓǒtei. Yéso Kiísito na Abakɛ Mokonga mmbé ɗánjujúkisi ka ɔlɔ á ɓasí aámbé amoteki.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

1 Ɓatɛsalɔníka 2:6

Ɓéké phɔtɔ okáɓa obebɔ ka ɓakpa, kaɓɛ ka ɓenu, kaɓɛ ka ɓakpa ɓuangbo.

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

2 Timɔtɛ́ɔ 1:11

Ka nyɔngɔ á Mbino-Ánjá nɛkɛ ndɔ unge, Mokonga ɗámobisi, néɓɛ ntɔnganisi Mbino-Ánjá, nteki na ngoisigi.