1 Ɓakɔlítɔ 8:9 - Ɔngana á Kɛ̌kɛ

⁹ Ɛ́ngɛphani nga, ɓî ɓogbau, gbaua ndɔ, kěgúsɛ mɔnɔ gǎkɛ ɓakpa nde ɓeekea nɛɓɔ kámɔti.

1 Ɓakɔlítɔ 8:9 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Ɓalɔ́ma 15:1

Ambe ɓesu íɓunde ɓɛmɔti ka ɓeekea, ɓékumbɛni ɓoɗoko á ɓunde ɓákámɔtimbɛ ka ɓeekea. Kákeni ɓékaɓɛ nnde asɔɓɔngɛi.

1 Ɓakɔlítɔ 10:24

Ambe nkpa na nkpa kakáɓɛgɛmbɛ kema á ka phɔa akɛ sasakɛ, ákaɓɛgɛ ndiu kema á ka phɔa á ɓakpa ɓuangbo.

1 Ɓakɔlítɔ 10:28

A ye gǎkɛ oɓá nkpa ɓaangbo n'anongoɗi gea: «Nyama ndɔ ɓáphúi ka phɛ́a á ɓamokonga á mbɛa.» Cɔ, ɓókóeɛmbɛ, ka nyɔngɔ á nkpa ndɔ atónongoɗi na ka nyɔngɔ á ngǎka á ka měma.

1 Ɓakɔlítɔ 10:29

Nɛyɔngi ɓó ka nyɔngɔ á měma á nkpa ndɔɔ, nna ka nyɔngɔ á měma anu. Cɔ, ka nyɔngɔ sina nde nyɔngɔ á měma á nkpa ɓaangbo, aoimisia nyɔngɔ á kema nde neogea ú kángá ngǎka?

1 Ɓakɔlítɔ 10:32

Tambea anu kaɓɛmbɛ ephiphi ájeɗe ka Ɓayúda, na ɓunde ɓáná Ɓayúda, phɔtɔ ka ɓato á kanisa ndea Mokonga.

1 Ɓakɔlítɔ 8:10

Nga, aoɓá ka ɓundɔ ɓákámɔti ka ɓeekea n'akɔɔni oɓɛ ímbɔ ooúba ɗoni, n'ooeaga k'éndu ésomba, měma akɛ kántekande tɔndɔ áeɛ nyama ɔ́phɛ́ɔ ka ɓamokonga á mbɛa?

1 Ɓakɔlítɔ 8:12

Cɔ, ka gea ɓojeɗe ɓó ka ɓadanu íɓunde ɓákámɔti ka ɓeekea, na újá á měma aɓɔ, ɓogi phɔtɔ ɓojeɗe ka Kiísito.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

2 Ɓakɔlítɔ 11:21

Cɔ, neokuwa na soni á yɔnga gea, ɗéɓékétú na ɓukpɛkpɛ á gea kema ndɔɔ. Aoɓá nkpa ɓaangbo n'akengi ébeba ka kema ímoci, eme phɔtɔ neébebande. Kɛ̌kɛnde nɛɔyɔnga ɓea mbóbó.

2 Ɓakɔlítɔ 11:29

Aoɓá nkpa na nna akpɛkpɛ, nê phɔtɔ ɔ̌yɔka ɓɔɛlu. Nkpa aogua ka ɓojeɗe, nyɔngɔ ndɔ áomokaea phɛɛ.

2 Ɓakɔlítɔ 6:3

Ɓékékondi ɓɛtisa á nkpa n'ephiphi ka kema bui nga, ɓeóɓánga ɓakpa sɛkaga ékuma nɛsu.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

1 Pɛ́tɛɛ 2:16

Tambeani ɓea ɓakpa nde ɓátóki ka kɔkɔɓɛ, a gǎkɛ oɓá n'a ɓó, nndɔ kaɓɛmbɛ aphe á gbukumia á ɓojeɗe. Tambeani ndiu ɓíndɔ akeni ka ɓabɛɗanigi ndea Mokonga.

2 Pɛ́tɛɛ 2:19

Ɓáɔ̌ɔkɔa ɓakpa ndɔ gea ɓátókande ka kɔkɔɓɛ, nanga ɓɔ sasaɓɔ ɓánde ɓakɔɓɛ á ɓojeɗe nga, nkpa buakɛ ande nkɔɓɛ á kema nde akondi suɓi á měma akɛ phɛɛ.

Mphaniɔ 2:14

Cɔ, ne gǎkɛ na oyeyɔ ábɔa k'óɓɛ: Mɔtɛ-akɔ, ona ɓakpa nde ɓáɓeeki ɓɔphɛi ndea Baláma. Baláma aámbé ɗángoɗi Baláka ábisɛ ephiphi ájeɗe ka Ɓaisilaɛ́li ka ɓɔnga aɓɔ gea, ɓáeɛ nyama nde ɓáphúi ka phɛ́a á ɓamokonga á mbɛa, na ɓágɛ k'aphe ótungɔ.