1 Ɓakɔlítɔ 8:7 - Ɔngana á Kɛ̌kɛ

⁷ Cɔ, ɓakpa ɓɔbu ɓáná gǎkɛ oúba ɗoni ndɔɔ. Ɓakpa ɓuangbo ɓáɛmbani gǎkɛ na beba á ɓamokonga á mbɛa. Na ka kɛ̌kɛnde, aoɓá na ɓáí eea ɓíndɔ, ɓá phɔ́tɔ okanisia te ɓáí nyama á phɛ́a. Ɓakpa ndɔ, úbapha aɓɔ akusi, ɓáɔɔna gea ɓájɔɔkani ka nyɔngɔ á nyama ndɔɔ.

1 Ɓakɔlítɔ 8:7 Iomraidhean Croise

Ekuma á ɓateki 15:20

Ɓéɗunduiɛ ndiu ɓaoɓa ka gea, ɓáyé ɓɔjɔɔkiɔ nde a ka ya nyama nde ɗáɓáphúi ka phɛ́a. Ɓákágɛ mɔnɔ k'aphe á otungɔ. Ɓákáeɛ mɔnɔ nyama n'aku ǐti, ɓákáeɛ mɔnɔ phɔtɔ magia.

Ɓalɔ́ma 14:14

Ka ɔngana ani na Mɔkɔta Yéso, neúbi na ne engekisi ánjá gea nna na kema nde ajɔɔkani. Ajɔɔkani ndiu ka nkpa nde aɔni gea ande á jɔɔkana.

Ɓalɔ́ma 15:14

Ɓaya, eme ne engekisi ka phɔanu gea ɓenu sasanu ɓotúmi na mɔphɛ ánjá na úbapha ásii na ɓɔtɔki phɛana ngǔngu anu.

1 Ɓakɔlítɔ 10:25

Ɓoodonda kema nde ɓáosombisa ka mosomba, eani ú na měma á kanga ngǎka, kángá á úsiaga.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

1 Ɓakɔlítɔ 8:4

Cɔ, músiɔ a ɓe: Ɓɛɔtɔka na ɓeí due á nyama á phɛ́a ka ɓamokonga á mbɛa? Cɔ, ɓeoúba gea, nna na ka ɓamokonga á mbɛa nde ande ɗoni ka mokonda ndee. Ɓe gǎkɛ oúba gea, Mokonga a tɔ mo.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.