1 Ɓakɔlítɔ 8:4 - Ɔngana á Kɛ̌kɛ

⁴ Cɔ, músiɔ a ɓe: Ɓɛɔtɔka na ɓeí due á nyama á phɛ́a ka ɓamokonga á mbɛa? Cɔ, ɓeoúba gea, nna na ka ɓamokonga á mbɛa nde ande ɗoni ka mokonda ndee. Ɓe gǎkɛ oúba gea, Mokonga a tɔ mo.

1 Ɓakɔlítɔ 8:4 Iomraidhean Croise

Málikɔ 12:29

Yéso áonsikisia te: «Ɛɔphi ángbóngbó phɛɛ a ɓe: Ɔ́ka phɔ́, Isilaɛ́li, Mɔkɔta nɛsu Mokonga a tɔ Mɔkɔta mo.

Ekuma á ɓateki 14:15

«Ɓadani, ɓogi ɓondɔ ka ɓo? Ɓe phɔtɔ ɓakpa ɓea ɓenu, ɓekengeani tɔ na ɓenu ka kema bui. Ɓeonóphɛa Mbino-Ánjá ka gea, ɓóɗeketɛ ɗokomisa á kema á jǎi-jǎi, ɓókětiɛ ka Mokonga mmbɔ mɛyɔ, mmbɔ aconji koba, mokonda, oɓenge na kema bubui nde a kau.

Ekuma á ɓateki 15:20

Ɓéɗunduiɛ ndiu ɓaoɓa ka gea, ɓáyé ɓɔjɔɔkiɔ nde a ka ya nyama nde ɗáɓáphúi ka phɛ́a. Ɓákágɛ mɔnɔ k'aphe á otungɔ. Ɓákáeɛ mɔnɔ nyama n'aku ǐti, ɓákáeɛ mɔnɔ phɔtɔ magia.

Ekuma á ɓateki 19:26

Cɔ, ɓɔɔ́ki na ɔna gǎkɛ ɓî Pɔ́lɔ aǒɓotea ɓakpa ɓásii ka kětia á měma aɓɔ, nna tɔ ka Ɛphɛ́sɔ, phɔtɔ ka Asía bubui, ka yɔnga akɛ te: ‹Iii á ɓamokonga á mbɛa, nnde ɓakpa ɓáɓɔngisigi, ɓáká tanda ɓakɔta.›

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

1 Ɓakɔlítɔ 8:10

Nga, aoɓá ka ɓundɔ ɓákámɔti ka ɓeekea n'akɔɔni oɓɛ ímbɔ ooúba ɗoni, n'ooeaga k'éndu ésomba, měma akɛ kántekande tɔndɔ áeɛ nyama ɔ́phɛ́ɔ ka ɓamokonga á mbɛa?

1 Ɓakɔlítɔ 8:11

Wa, dakɔ ímbɔ kámɔti ka ɓeekea na Kiísito ɗáku ka nyɔngɔ akɛ, aɓúngagande ka nyɔngɔ á «úbapha» akɔ.

Ɓagalatía 4:8

Cɔ, ɓî ɗóɓókótúomúba Mokonga mosá, ɗóɓotú ɓakɔɓɛ á ɓamokonga á mbɛa. Ɓamokonga ndɔ ɓáná á ɗoni.

Ɓaɛphɛ́sɔ 4:6

Mokonga a tɔ moci n'ande Aba ɓakpa ɓɔbu. Yɛ, a gǔ á ɓakpa ɓɔbu, aɔbɛɗanaga ka ɓakpa ɓɔbu, aiki ka ɓakpa ɓɔbu.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 2:5

Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,

Yúda 1:25

Yɛ Mokonga sisakɛ, Namisi ndeasu ka Yéso Kiísito Mɔkɔta ndeasu, áɓɛ n'obebɔ, ɓongbóngbó, ɓukpɛkpɛ, kɔkɔta, kpanga kala, kɛ̌kɛnde na ka saga na saga, Áɓɛ ɓó!