1 Ɓakɔlítɔ 8:3 - Ɔngana á Kɛ̌kɛ

³ Aoɓá nkpa n'ankondi gǎkɛ Mokonga, Mokonga amúbande yɛ.

1 Ɓakɔlítɔ 8:3 Iomraidhean Croise

Matáyɔ 7:23

Eme něngoɗeaeka gǎkɛ base gea: ‹Ɗéké tanda onoúba. Tókani bíbí ani, ɓenu íɓunde ɓoogea ɓojeɗe.›

Yoáni 10:14

Eme, nende mɓondigi anjánjá, neǒɓúba ɓamɔgɔgɔ nɛmɔ. Ɓɔ, ɓâ phɔtɔ omoúba.

Yoáni 21:17

Áomúsia mɔngɔ á ko isaɔ: «Simɔ́ni muna Yoáni, omokondi?» Pɛ́tɛɛ áɔɓɛa nga, Yéso ɗámúsi ka mɔngɔ á ko isaɔ: «Omokondi?» Mpɔ áonsikisia gea: «Mɔkɔta, oúba kema bui. O tɔ oúba gea nekokondi.» Yéso áongoɗea: «Ámbá ɓamɔgɔgɔ nɛmɔ.

Ɓalɔ́ma 11:2

Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

1 Ɓakɔlítɔ 13:12

Ka kɛ̌kɛnde, ɓɛɔmɔna Mokonga ɓea suɓi á kiyɔa, kángá engekisa akɛ. Mbusa, ɓɛmɔnaeka iso ka iso. Kɛ̌kɛnde, neomúba Mokonga ábɔa. Mbusa, nemúbaeka phɛɛ ɓíndɔ yɛ aomúba.

1 Ɓakɔlítɔ 2:9

Cɔ, a gǎkɛ tɔ ɓíndɔ Ɓuku á Mokonga ayɔngi gea: «Kema nde nkpa káɔnimbɛ mɔnɔ na ɔ́ka í nnde ka nkpa kákanisimbɛ mɔnɔ ú aunge Mokonga ɗáɓɔngisigi ka ɓakpa nde ɓánkondi.»

Ɓagalatía 4:9

Kɛ̌kɛnde unge ɓomúbi Mokonga, ande gea te, Kɛ̌kɛnde unge Mokonga anóúbi. Cɔ, eke nde ɓoogea ɓójiiɛ ɓansombo na kema nde nna na ɓukpɛkpɛ kaɓɛ na kantíti, na kaɓa á ɓá goto ɓakɔɓɛ?

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

1 Yoáni 4:19

Ɓesu, ɓeokondana ka nyɔngɔ nde, Mokonga ɗásokondi mosá.

1 Yoáni 4:7

Ɓadani ékondi, ɓékondanɛni nga, Mokonga ande cina ékondi. Nkpa buakɛ mmbé ana ekondi ande muna-Mokonga na amúbi Mokonga.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:19

neoúba ekuma nɛkɔ, ekondi nɛkɔ, ɓeekea nɛkɔ, tambea nɛkɔ, na phiphia á tambaga nɛkɔ. Neúbi phɔtɔ gea ǒyamei ka bɛɗaneaga ani kɛ̌kɛnde kɔnyɛ́nya mosá.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.