1 Ɓakɔlítɔ 7:34 - Ɔngana á Kɛ̌kɛ

³⁴ Wa, ianaga iɓɛ aomɓotea. A tɔ ɓó ka nke nde káɔmani na ka nseka, yɛ aoianaga nyɔngɔ ndea Mɔkɔta ka gea, měma na nyama akɛ, áɓɛ ka Mɔkɔta, kángá á ɓojeɗe. Cɔ, nke nde aɔmani, a gǎkɛ aoianaga nyɔngɔ á ka mokonda, aokaɓa ékondisaga na munyakɛ.

1 Ɓakɔlítɔ 7:34 Iomraidhean Croise

Yoáni 10:13

Mbɛɗanigi ndɔ ati ka nyɔngɔ nde, a tɔ ɔbɛɗaneaga ophendɔ, kángá á bisa á měma akɛ ka ɓamɔgɔgɔ.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

1 Ɓakɔlítɔ 7:33

Nkpa nde amɓǔ gǎkɛ nke, aoianaga nyɔngɔ á ka mokonda, aokaɓa ékondisaga na nkakɛ.

1 Ɓakɔlítɔ 7:35

Nyɔngɔ ndɔ nɛyɔngi ande kanu. Nna ka imisia anu. Nekondi ndiu ɓótambeɛ ɓíndɔ akeni ka gea te, ɓɔ́mbɛɗaneɛgɛ Mɔkɔta na měma mo.

2 Ɓakɔlítɔ 11:28

Ɗéké yɔngi nyɔngɔ nɛngbo bui, néoianaga phɛɛ esa bui ka nyɔngɔ á kanisa bubui.

2 Ɓakɔlítɔ 8:16

Obebɔ ka Mokonga, mmbé amophi Títɔ moíngí ka enga anu ɓíndɔ ɓeogea.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

1 Timɔtɛ́ɔ 3:5

Cɔ, aoɓá nkpa na káoúba angá ekombo nɛkɛ ánjá, aangande kanisa ndea Mokonga ɓo?

1 Timɔtɛ́ɔ 5:5

Nke á kekusa ímbɔ nna na nkpa ɗoni k'ékombo ka enga akɛ, anseɓei mɔɔ tɔ nɛkɛ Mokonga. Yɛ, aɔmmɛma Mokonga keiphe n'esa kángá ɗeketa na bisa á mɔphɛ akɛ ka Mokonga.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.