1 Ɓakɔlítɔ 7:31 - Ɔngana á Kɛ̌kɛ

³¹ ɓunde ɓáɔbɛɗaneaga nkumba á ka mokonda, ɓáɓɛ ɓea ɓakpa nde ɓákáɔbɛɗaneaga ú nga, mokonda nde aoga ka sungiaga í.

1 Ɓakɔlítɔ 7:31 Iomraidhean Croise

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

1 Ɓakɔlítɔ 7:30

Ɓunde ɓáogáma, ɓáikɛ ɓea ɓunde ɓánáogáma, ɓunde ɓána maseye, ɓáikɛ ɓea ɓunde ɓáná na maseye, ɓundɔ ɓáosomba kema, ɓáikɛ ɓea ɓunde ɓáná na ka kema,

1 Ɓakɔlítɔ 9:18

Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

Ɓaɛbulanía 12:27

Ɓî agi: «Neɗengisande goto», ande gea te, Mokonga aɗengisande kema nde ɗáconji, kema ndɔ káɓɛku ye. Kema nde nnaɔtɔka n'aɗengi aunge ajigande.

Yakɔ́ɓɔ 4:14

Cɔ, ɓókóoúba enda anu ndea mama nga, ɓo tɔ ɓea eɓundu nde aokiɗiana ka mbenɔ ábɔa, mbusa, áondia.

1 Pɛ́tɛɛ 1:24

Nga, ɗáɓáɗundu suɓi á Ɓuku á Mokonga ɓe: «Ɓakpa ɓɔbu ɓá ɓea ɔphɔ, ɓoombia nɛɓɔ bui a ɓea maya á ɔphɔ. Ɔphɔ áɔɔmɔkaka, maya áotitikana.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

1 Yoáni 2:17

Mokonda aɔnyɛ́nya na mɔphɛ á kema bui nde a suɓi í. Nkpa nde a gǎkɛ ɔtɔtɔkisa mɔphɛ ndea Mokonga, aendande mɛyɔ.