1 Ɓakɔlítɔ 7:2 - Ɔngana á Kɛ̌kɛ

² Ka nyɔngɔ á ɓánga iɛɓɛ, ambe mǒko buakɛ áɓɛ ndiu na nke ímbɛkɛ, na nke buakɛ áɓɛ na mǒko ímbɛkɛ.

1 Ɓakɔlítɔ 7:2 Iomraidhean Croise

Matáyɔ 5:32

Cɔ, eme nenóngoɗi gǎkɛ te, aoɓá nkpa n'an'yé nkakɛ na kátungani, antunganisi ye tɔ, aoɓá n'aɔmani goto. Aoɓá nkpa n'amɓu nke nde ɓán'yé, atungani phɔtɔ.

1 Ɓakɔlítɔ 6:18

Ɓángáni otungɔ. Ɓojeɗe nɛngbo bui nnde nkpa áogea, a ɗanga na nyama akɛ. Nkpa nde a gǎkɛ ǒyamea k'ótungɔ, agi ɓojeɗe ka nyama akɛ sasakɛ.

1 Ɓakɔlítɔ 7:1

Cɔ, kɛ̌kɛnde, nejisi nyɔngɔ nde ɓotómoɗundui. Ande kema ánjá mǒko kamukɛmbɛ nke.

1 Ɓakɔlítɔ 7:3

Akeni munya-nke átɔtɔkisɛ ka nkakɛ kema nde nke anasiki í. Akeni phɔtɔ nke-éyamani átɔtɔkisɛ ka munyakɛ kema nde mǒko anasiki í.

1 Ɓakɔlítɔ 7:9

Aoɓá na ɓáná gǎkɛ ɔtɔka amba á nyama aɓɔ, ambe ɓáɔmanɛ. Nga, akeni ɔmana, kángá á bomokaga á měma na mɔphɛ á koke na koɓǒko.

Ɓaɛphɛ́sɔ 5:28

A phɔtɔ ɓó, ambe ɓǒko ɓáekondɛ ɓake aɓɔ ɓíndɔ ɓákondi nyama aɓɔ sasaɓɔ. Nga, mmbé ankondi nkakɛ, aékondi phɔtɔ sasakɛ.

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

1 Ɓatɛsalɔníka 4:4

ɓóikɛ ndiu na ɓake ɓ'anu ka ɓonjánja ɓíndɔ akeni,

1 Timɔtɛ́ɔ 4:3

Ɓakpa ndɔ ɓáoimisia eyamani, ɓá phɔtɔ oimisia eaga eea nɛngbo nnde Mokonga ɗáconji gǎkɛ ú ka gea, ɓaɓêki ɓunde ɓáoúba ɗoni ɓáeɛ ú na beba á Mokonga k'ɛ́mɛmi.