1 Ɓakɔlítɔ 7:19 - Ɔngana á Kɛ̌kɛ

¹⁹ Gúa á ganja, na kowó, nna na kantíti. Nnde ana kantíti ande gǎkɛ amba ɛɔphi ndea Mokonga.

1 Ɓakɔlítɔ 7:19 Iomraidhean Croise

Matáyɔ 5:19

Cɔ, nkpa nde aotingiaga ka ɓaniki ɛ́ɔphi nde, na phɛá á ɓadakɛ gea ɓágeɛ phɔtɔ ɓó, aɓande miki á nkpa ka koɓoamɛ ndea Mokonga. Nkpa nde a gǎkɛ oamba ú, na phɛá ɓadakɛ gea ɓágeɛ phɔtɔ ɓó, aɓande mokongo á nkpa ka koɓoamɛ á na koba.

Yoáni 15:14

Ɓenu, ɓonde ɓadani, aoɓá na ɓogi nnde nenósosi.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

1 Ɓakɔlítɔ 8:8

Cɔ, eea kásojúsɛku mosá á Mokonga. Kaɓɛ na ɓeɗeketi ea á nyama á phɛ́a, ɓékéúki ka kema. Kaɓɛ gǎkɛ na ɓeí, ɓékéyamei tanda ka kema.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓagalatía 6:15

Gúa á ganja na ika á kanga á gua ganja, nna na ka kema. Kema nde ana kantíti ande ɓá econji á kɛ̌kɛ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Mphaniɔ 22:14

Maseye ka ɓundɔ ɓásokosi bɔngɔ nɛɓɔ ka gea te, ɓáesoseɛ ea á mbuka á me á enda na ngia ka kǐo suɓi á ntanga-nji.