Biblia Todo Logo
Bìoball air-loidhne

- Sanasan -




1 Ɓakɔlítɔ 7:17 - Ɔngana á Kɛ̌kɛ

17 Cɔ, kaɓɛ na nna ɓó, akeni nkpa na nkpa áendɛ ka etéte á enda nde Mokonga ɗámophi. Áendɛ phɔtɔ ɓea ɓî ɗátú, Mokonga na kámɔphanimbɛ. Ɓɔphɛi ndɔ unge nɛɔphɛa ka kanisa bui.

Faic an caibideil Dèan lethbhreac




1 Ɓakɔlítɔ 7:17
18 Iomraidhean Croise  

Ana nyɔngɔ ɗanga-ɗanga nde aǒimisia ɓǒko uká á ɓake. Nga, ɓuangbo ɓáɓɔkɔtɛani kángá á ɓukpɛkpɛ á uká á nke, ɓǒko ɓuangbo ɓáunge ɓétǒngu, ɓuangbo ɓákáǒɓuka ɓake ka nyɔngɔ á bɛɗaneaga á Mokonga ka koɓoamɛ á na koba. Nkpa nde aɔtɔka ɓeekea á ɓukpɛkpɛ á ɓɔphɛi nde, áɓeekeɛ ú.»


Tambea anu kaɓɛmbɛ ephiphi ájeɗe ka Ɓayúda, na ɓunde ɓáná Ɓayúda, phɔtɔ ka ɓato á kanisa ndea Mokonga.


A gǎkɛ oɓá nkpa n'aopúa ka nyɔngɔ ndɔ, kaɓɛ ɓesu, kaɓɛ kanisa ndea Mokonga, áúbɛ gea, ɓéké na asii nɛngbo.


Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.


nga, Mokonga nna nto á eongo, a ndiu nto á ɓujɛjɛ. A tɔ ɓó ka kanisa bubui ndea ɓaɓêki ndea Mokonga.


Cɔ, ka moangɔ á kɔngɔa kema ka ɓaɓêki á ka Yɛusalɛ́ma, geani phɔtɔ ɓó ɓíndɔ ɗéněngoɗi Ɓagalatía.


Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.


Aoɓá Mokonga na ɗámɔphani nkpa n'ande ngu-ganja, áikɛ tɔ ngu-ganja. A gǎkɛ oɓá Mokonga na ɗámɔphani nkpa n'ande mowó, kagúɛmbɛ ganja.


Ɓaya, akeni nkpa áikɛ mosá á Mokonga ɓíndɔ ɗáiki mosá, mbenɔ nde Mokonga ɗámɔphani.


Netókondi gea, ɓakpa ɓɔbu ɓáɓɛ ɓea eme, kángá á ɓoá á nke. Nkpa na nkpa a gǎkɛ n'egabɔ nɛkɛ sasakɛ ɓíndɔ Mokonga amophi. Nkpa moci, egabɔ índe, nkpa ɓaangbo, egabɔ índo.


Ɗéké yɔngi nyɔngɔ nɛngbo bui, néoianaga phɛɛ esa bui ka nyɔngɔ á kanisa bubui.


Cɔ, ɓenteki Títɔ na dasu moci, mmbé kanisa bui ambebi ka nyɔngɔ á ekuma nɛkɛ á tɔ̌miaga Mbino-Ánjá.


Ɓato á kanisa ɗanga-ɗanga ndea Yéso ka Yudɛ́a, ɗáɓákáoengekisa keongi ani.


Ɓaya, ɓokengeani tɔ na ɓato á ka kanisa ndea Mokonga á ka Yudɛ́a, ɓunde ɓámɓeeki Kiísito. Nga, ɓato á k'ékuna nɛnu ɓánótambisigi ɓíndɔ Ɓayúda ɗáɓětambisigi ɓakiísito Ɓayúda.


Kaɓondɔ unge, ɓeǒbeba ka phɔanu mosá á ɓato á kanisa ndea Mokonga ka nyɔngɔ á moíngí nɛnu na ɓeekea nɛnu suɓi á tambaga bui na kema ájeɗe phɛɛ nde ɓosuɓi í.


Lean sinn:

Sanasan


Sanasan