1 Ɓakɔlítɔ 7:10 - Ɔngana á Kɛ̌kɛ

¹⁰ Ka ɓundɔ ɓɔɔmani, ɛɔphi a ɓe: Nke kaɗoanɛ mɔnɔ na munyakɛ. Ɛɔphi ndɔ kátóki k'eme, atóki ka Mɔkɔta.

1 Ɓakɔlítɔ 7:10 Iomraidhean Croise

Matáyɔ 5:32

Cɔ, eme nenóngoɗi gǎkɛ te, aoɓá nkpa n'an'yé nkakɛ na kátungani, antunganisi ye tɔ, aoɓá n'aɔmani goto. Aoɓá nkpa n'amɓu nke nde ɓán'yé, atungani phɔtɔ.

Málikɔ 10:2

Wa, ka Ɓaphaisáyɔ ɓáombîmisia ka tombaga akɛ. Ɓɔ, ɓáomúsia ɓe: «Ɛɔphi nɛsu asosi gea mǒko án'yɛ nkakɛ?»

Lóka 16:18

Aoɓá mǒko n'an'yé nkakɛ, áomuka nke ɓaangbo, ande nto á iɛɓɛ. Aoɓá mǒko n'amukí nke nde munyakɛ an'yé, ande phɔtɔ nto á iɛɓɛ.

1 Ɓakɔlítɔ 7:11

Aoɓá nke n'aɗoani na munyakɛ, kaɔmanɛmbɛ ye. Aoɓá na nna ɓó, áɔ́kanɛ na munyakɛ. Mǒko kan'yɛ́ mɔnɔ phɔtɔ nkakɛ.

1 Ɓakɔlítɔ 7:12

Cɔ, ka ɓakpa ɓuangbo, eme nɛyɔngi ɓe, nna Mɔkɔta: Aoɓá mǒko mɓêki n'ana nke nde nna mɓêki, nke ndɔ aokonda ika na yɛ, mǒko kan'yɛ́mbɛ.

1 Ɓakɔlítɔ 7:15

A gǎkɛ oɓá mmbé nna mɓêki, n'akondi ɗoana na mɓêki, áɗoanɛ. Aoɓá n'a ɓó, mǒko, kaɓɛ nke mmbé ande mɓêki nna kusi ɛ́ɔphi nga, Mokonga ɗánɔɔphani gea, ɓóikɛ ka ɓujɛjɛ.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

1 Ɓakɔlítɔ 7:40

Atóɓande nto á maseye phɛɛ, ámbé aiki tɔ kángá ɔmana. Nndɔ ande kanisia nɛmɔ, nnde neoúba te, Měma á Mokonga aunge amopi nyɔngɔ ndɔɔ.

1 Ɓakɔlítɔ 7:6

Nyɔngɔ ndɔ, nna gǎkɛ ɛɔphi, a tɔ kanisia nde nenóphi.