1 Ɓakɔlítɔ 6:3 - Ɔngana á Kɛ̌kɛ

³ Ɓókóoúba gea, ɓetenaeka nyɔngɔ ndea ɓamalaéka? Cɔ, kákeni ɓétenɛ phɔtɔ nyɔngɔ á ka mokonda ndee!

1 Ɓakɔlítɔ 6:3 Iomraidhean Croise

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Lóka 8:14

Mbó ndɔ ɗágú sɔsɔɓɛ á ngenge, a ɓea mbenɔ nde ɓakpa ɓáɔɔ́ka Nyɔngɔ á Mokonga. Nyɔngɔ ásii á ka měma, siki á ɓá n'ɛtɔi na ɓongeaga á kema á ka mokonda, áǒphiphisa, ɓákagɔmbɛ ye.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

1 Ɓakɔlítɔ 6:15

Cɔ, ɓooɓosa gea, nyama anu ande gbútuka á nyama á Kiísito? Cɔ, akeni nɛ́bɛɗɛ phaeka á nyama á Kiísito, nébisɛ ú ka phaeka á nyama á nke á mambɔ? Tanda phɔ́.

1 Ɓakɔlítɔ 6:16

Ɓókóoúba gea, nkpa nde aoɗá na nke á mambɔ, ɓá ye tɔ na yɛ nyama ímoci? Nga, ɓáɗundu suɓi á Ɓuku á Mokonga ɓe: «Mǒko na nke, ɓáɓande nkpa mo.»

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

1 Ɓakɔlítɔ 6:4

Cɔ, mbenɔ nde ɓooɓá na nyɔngɔ á tena í ɓínde, eke nde ɓooga na nyɔngɔ ndɔ mosá á ɓateni-nyɔngɔ, ɓunde ɓáná na kɔkɔta suɓi á kanisa?

2 Timɔtɛ́ɔ 2:4

Nna na nto-émani nde aoga k'aphe émani n'abisi měma akɛ ka enda nde atingani na moangɔ émani, a ndiu tɔ okáɓa gea, mɔkɔta nɛkɛ ánkondɛ.

2 Timɔtɛ́ɔ 4:10

nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

2 Pɛ́tɛɛ 2:4

Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

Yúda 1:6

Cɔ, kanisiani phɔ́ nyɔngɔ á ɓamalaéka: Ɓunde ɗáɓákákondi bɛɗanaga na kɔkɔta nde Mokonga ɗéɓophi, ɓâ ndiu oɗeketa sasaɓɔ ɔma ndeaɓɔ. Mokonga ɗáeɓóege na ngɔi á ngɔa, áǒbisa kusi ɔma á kaiphiɔ á mɛyɔ ka ɓondeaga esa ángbó á tena nyɔngɔ.