1 Ɓakɔlítɔ 6:2 - Ɔngana á Kɛ̌kɛ

² Ɓókóoúba gea, ɓakpa ndea Mokonga ɓáunge ɓátenaeka nyɔngɔ ndea ka mokonda? Cɔ, ɓî ɓotenaeka ú, ɓɔ́kɔ́ɔtɔka na ɓoteni nyɔngɔ ábɔbɔbɔa?

1 Ɓakɔlítɔ 6:2 Iomraidhean Croise

Matáyɔ 19:28

Yéso áǒngoɗea: «Nenóngoɗi ɗoni gea, mbenɔ nde Muna-Nkpa aikande ka kankaanga á ɓoombia ka mokonda nde abikande, ɓenu íɓunde ɗóɓomoɓǐ, ɓoikande phɔtɔ ka kankaanga nkama na iɓɛ (12) ka tena á nyɔngɔ á ekuna nkama na iɓɛ (12) ndea Isilaɛ́li.

Lóka 22:30

Ka gea, ɓóeɛgɛ na noa ka mɛja nɛmɔ suɓi á koɓoamɛ nɛmɔ, phɔtɔ ɓoikande ka kankaanga á kɔkɔta ka tena nyɔngɔ á ekuna nkama na iɓɛ (12) á Ɓaisilaɛ́li.»

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 6:4

Cɔ, mbenɔ nde ɓooɓá na nyɔngɔ á tena í ɓínde, eke nde ɓooga na nyɔngɔ ndɔ mosá á ɓateni-nyɔngɔ, ɓunde ɓáná na kɔkɔta suɓi á kanisa?

2 Ɓakɔlítɔ 4:18

Nga, ɓetúmíí iso asu ka kema nde ɓánáɔɔna, nna gǎkɛ ka kema nde ɓáɔɔna. Ande gea te, kema nde ɓáɔɔna nnaoiphia, nnde gǎkɛ ɓánáɔɔna aunge aoiphia mɛyɔ.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.