1 Ɓakɔlítɔ 6:19 - Ɔngana á Kɛ̌kɛ

¹⁹ Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

1 Ɓakɔlítɔ 6:19 Iomraidhean Croise

Yoáni 2:21

Endu ndea Mokonga nde Yéso ɗáɔyɔnga nyɔngɔ í, ɗátú ndiu nyama akɛ.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 6:13

Ɓogi goto te: «Ɓáconji eea ka nyɔngɔ á sɔphɔ, sɔphɔ ka nyɔngɔ á eea.» Mokonga aújande gǎkɛ kema ndɔ bui. Cɔ, ɓákáconji gǎkɛ nyama á nkpa ka nyɔngɔ á iɛɓɛ. Nyama a ndiu ka nyɔngɔ á Mɔkɔta na Mɔkɔta ka nyɔngɔ á nyama.

1 Ɓakɔlítɔ 6:3

Ɓókóoúba gea, ɓetenaeka nyɔngɔ ndea ɓamalaéka? Cɔ, kákeni ɓétenɛ phɔtɔ nyɔngɔ á ka mokonda ndee!

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Yakɔ́ɓɔ 4:5

Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.