1 Ɓakɔlítɔ 6:13 - Ɔngana á Kɛ̌kɛ

¹³ Ɓogi goto te: «Ɓáconji eea ka nyɔngɔ á sɔphɔ, sɔphɔ ka nyɔngɔ á eea.» Mokonga aújande gǎkɛ kema ndɔ bui. Cɔ, ɓákáconji gǎkɛ nyama á nkpa ka nyɔngɔ á iɛɓɛ. Nyama a ndiu ka nyɔngɔ á Mɔkɔta na Mɔkɔta ka nyɔngɔ á nyama.

1 Ɓakɔlítɔ 6:13 Iomraidhean Croise

Matáyɔ 15:17

Ɓókóoengekisa gea, kema bui nde aongia k'aphenɔkɔ, áoga ka sɔphɔ, mbusa áoga ojuana ka ntɔɓɔ?

Matáyɔ 15:20

Nndɔ unge aɔnjɔɔkisa nkpa. Cɔ, eaga kángá á sokosa á njaga, nndɔ nna gǎkɛ ɔnjɔɔkisa nkpa.»

Málikɔ 7:19

Nga, eea nna ongia suɓi á měma á nkpa. A ndiu ongia suɓi á sɔphɔ. Mbusa, eea ndɔ áoga ka ɓɔɔga.» Ka yɔnga akɛ ɓó unge Yéso ɗáengekisi gea, ɓakpa ɓáeɛ eea bui.

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

Yoáni 6:49

Ɓatatanu ɗáɓáí mána ka nkanda, ɓâ gǎkɛ okuwa.

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 6:12

Cɔ, ɓojeɗe kaɓɛmbɛ ye na kɔkɔta suɓi á nyama ndɔ á kukuwa na ɓókoɓeekeɛmbɛ ye tɔtɔkisa á mɔphɛ ájeɗe á nyama anu.

Ɓalɔ́ma 7:4

Cɔ, ɓaya, a phɔtɔ ɓó ka phɔanu ka nyɔngɔ á ɛɔphi, ɓenu ɗóɓoku phɔtɔ ɓó ka phɔa ɛ́ɔphi ka nyɔngɔ nde ɓojúkani na Kiísito ka nyama, mmbé ɗájujúki sɔsɔɓɛ á ɓasí ka gea te, ɓɛ́gɔmbisɛ mbuka ka Mokonga.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 6:15

Cɔ, ɓooɓosa gea, nyama anu ande gbútuka á nyama á Kiísito? Cɔ, akeni nɛ́bɛɗɛ phaeka á nyama á Kiísito, nébisɛ ú ka phaeka á nyama á nke á mambɔ? Tanda phɔ́.

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 5:23

Nga, mǒko ana kɔkɔta gǔ á nkakɛ ɓíndɔ Kiísito ana kɔkɔta gǔ á kanisa. Kiísito sasakɛ ande Namisi á kanisa nnde ande nyama akɛ.