1 Ɓakɔlítɔ 5:8 - Ɔngana á Kɛ̌kɛ

⁸ Cɔ, ɓégúɛni jaí nɛsu á Pasáka kángá á cacu á kala, kángá ɓojeɗe na mɔphɛ ájeɗe. Ɓégúɛni ndiu jaí ndɔ na mokati á kanga cacu, ande gea, gúa á jaí ka ɗoni na kángá á ɓojeɗe.

1 Ɓakɔlítɔ 5:8 Iomraidhean Croise

Matáyɔ 16:12

Mpɔ, ɓagoigi ɓáoengekisa gea, Yéso ɗákéngoɗi gea, ɓéɛnjiɛ na cacu nde ɓáɔɓɛɗanaga ně na mokati, a ndiu nyɔngɔ á ɓɔphɛi ndea Ɓaphaisáyɔ na Ɓasadukáyɔ.

Matáyɔ 16:6

Yéso áǒngoɗea te: «Óengani na cacu ndea Ɓaphaisáyɔ na Ɓasadukáyɔ.»

Málikɔ 8:15

Yéso â gǎkɛ ɔ̌phɛá te: «Ɛ́ngɛphani! Óɓangisani na cacu ndea Ɓaphaisáyɔ n'índe á Ɛlɔ́dɛ.»

Lóka 12:1

Wandɔ, usɛsɛ á ɓakpa ɓáotúndukanaga. Ɓáoɓá ɛlɛphu na ɛlɛphu na ka ɓî ɗáɓáɗɛtɛanigi. Yéso â phɔ́ kǒngoɗeaga ɓagoigi nɛkɛ mosá ka mpɛphɛ gea: «Óengani na cacu ájeɗe ndea Ɓaphaisáyɔ. Ande gea, maibe-maibe nɛɓɔ.

Yoáni 1:47

Mbusa, Yéso áɔmɔna Natanaɛ́li n'aobika mɔtɛ-akɛ. Áɔyɔnga ka phɔakɛ te: «Mɔ́nani Moisilaɛ́li á ɗoni, mmbé nna n'odemayɔ suɓi akɛ.»

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

1 Ɓakɔlítɔ 5:1

Mbino anu aɔɔ́kɛkana ɔma bui gea, ɓona nyɔngɔ á iɛɓɛ sɔsɔɓɛ anu. Iɛɓɛ kau, aájeɗe phɛɛ nnde ɓákádondimbɛ mɔnɔ, nanga áɓá ka ɓunde ɓáná ɓaɓêki nga, ɓági te, ka ɓenu moci amukí nka-abakɛ!

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 8:8

Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

Ɓaɛphɛ́sɔ 6:24

Ambe ɓonjánjá-ékondi ndea Mokonga áɓɛ ka ɓakpa ɓɔbu ɓunde ɓánkondi Mɔkɔta nɛsu Yéso Kiísito n'ekondi nde nnaosía.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.