1 Ɓakɔlítɔ 5:7 - Ɔngana á Kɛ̌kɛ

⁷ Cɔ, ósokoseani, ɓótokisɛ cacu á kala ka gea, ɓóɓɛ ɓea mokati á kɛ̌kɛ nnde nna na cacu. Eya, ɓo ye tɔ kángá á cacu, kpanga á ɓî Kiísito Muna-mɔgɔgɔ á Pasáka nɛsu ɗáku ka phɛ́a.

1 Ɓakɔlítɔ 5:7 Iomraidhean Croise

Matáyɔ 13:33

Yéso áǒngoɗea mɛní nɛngbo, áogea: «Koɓoamɛ á na koba akengeani na cacu nnde nke ɗádausani na mpusu á mucɛɛ ásii ka gea, mpusu ndɔ áɓimbɛ.»

Málikɔ 14:12

Ɗáɓi ye esa á ko ímoci á maseye á mokati kángá cacu, esa ndɔ ɗátú esa á tena á ɓana-ɓamɔgɔgɔ á Pasáka. Cɔ, ɓagoigi ɓáomúsia Yéso te: «Okondi ɓégɛ ɓɔngisiɛgɛ k'akɔ eea á Pasáka wani?»

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 1:36

Ɗámɔni ye Yéso n'aɔnyɛ́nya áogea: «Cɔ, Muna-Mɔgɔgɔ ndea Mokonga aámbé.»

Yoáni 19:14

Ɗátú esa á ɓɔngisiaga jaí á Pasáka, bíbí á kantende. Mpɔ Pilátɔ áǒngoɗea Ɓayúda: «Cɔ, Moamɛ nɛnu a yɛ.»

Ɓalɔ́ma 3:25

Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

1 Ɓakɔlítɔ 10:17

Nga, mokati ndɔ a tɔ moci. Nanga ɓéɓika, ɓe tɔ nkpa moci ka nyama. Nga, ɓe tɔ ogabisanaga mokati ndɔ moci.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Mphaniɔ 5:12

Ɗáɓáoemba n'ɛsɔ akpɛ gea: «Muna-mɔgɔgɔ, mmbé ɗáɓámowe, akeni áɓɛ na okuu, ɛtɔi, kɔɓɔɔngɛ na ɓukpɛkpɛ ɓokutú, ɓoombia na obebɔ!»