1 Ɓakɔlítɔ 5:10 - Ɔngana á Kɛ̌kɛ

¹⁰ Ka yɔnga ani ɓó, kétókóndi gea te, ɓókódaɗokeanɛmbɛ mɔnɔ na ɓakpa ɓɔbu ɓunde ɓánde ɓato-ájeɗe á ka mokonda ndee, kaɓɛ n'ande ɓato á měma á phɛngɛmana ka kema, ɓakukuɓa, ɓato á beba á ɓamokonga á mbɛa. Nga, ka katana na ɓɔ, kátókeni ye ɓóendɛ ka mokonda ndee!

1 Ɓakɔlítɔ 5:10 Iomraidhean Croise

Lóka 18:11

Mophaisáyɔ áǒmesia, áɔmɛma Mokonga ka měma akɛ sasakɛ ɓe: ‹Hoo Mokonga! Nekosikisíí ɓosegi nga, ké ɓea ɓakpa ɓuangbo ɓunde ɓánde ɓakukuɓa, ɓato á kanga koɗoni, ɓato á iɛɓɛ. Nekosikisíí phɔtɔ ɓosegi gea, ké ɓea mphendisigi-manjanja ndee.

Yoáni 15:19

Ɓotúoɓá ɓato á ka mokonda, ámbé ɓánokondigi. Ɓato á ka mokonda ɓánokangei gǎkɛ ka nyɔngɔ nde, nɛnɔsɔmbu, néonotokisa sɔsɔɓɛ aɓɔ.

Yoáni 17:6

Ɗéúbisi ina akɔ ka ɓakpa íɓunde ɗɔ̌sɔmbu ka mokonda, ômopa. Ɓakpa ndɔ, ɗáɓátú ɓuakɔ, ômopa, ɓáoamba nyɔngɔ nɛkɔ.

Yoáni 17:9

Ka nyɔngɔ aɓɔ unge, nɛɔkɔmɛma. Nna gǎkɛ ka nyɔngɔ á ɓakpa ɓɔbu á ka mokonda, tɔndɔ ɓunde ɗómopi, nga, ɓánde ɓakpa nɛkɔ.

Yoáni 8:23

Yéso áǒngoɗea ɓe: «Ɓonde ɓato á ka oɗo. Eme, ne gǎkɛ nto á na koba. Eme, ké nto á ka mokonda ndee. Ɓenu ndiu ɓáunge ɓonde ɓato á ka mokonda.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 10:27

Aoɓá nkpa nde kámɓeeki Kiísito n'anɔɔphanei eea, ɓooɓeekea gǎ á kuɓei, eagani ú, kángá úsiaga, kángá měma á ngǎka.

1 Ɓakɔlítɔ 5:11

Cɔ, ɗénoɗundui gǎkɛ gea, ɓókodaɗokeanɛ mɔnɔ na nkpa nde aogea: «Nende mokiísito», n'ande: nto á otungɔ, nto á phɛngɛmana á měma ka kema, nto á beba ɓamokonga á mbɛa, nto á ɛphɔti, nto á ɓoita, nto á njaga-njaga. Ɓókóeɛgɛmbɛ na ɓɔ.

1 Ɓakɔlítɔ 5:9

Suɓi á ɓaoɓa ndɔ ɗénóɗundui mosá, ɗénógi te, ɓókodaɗokeanɛmbɛ na ɓato á otungɔ.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓaphilípi 2:15

ka gea, ɓóɓɛ kángá oyeyɔ na kángá ɓojeɗe, ɓóɓɛ ɓana-Mokonga kángá kisɛki ka ɔlɔ á ɓato á odemayɔ na ɓakpa ɓájeɗe á ka mokonda ndee. Akeni ɓɔ́bɛnyɛ ka ɔlɔ aɓɔ ɓea ɓasɛɛngɔa á na koba,

1 Yoáni 4:5

Ɓaɔtu-nyɔngɔ á mbɛa ɓánde ɓato á ka mokonda. Ka nyɔngɔ índɔ unge yɔnga nɛɓɔ a tɔ á ka mokonda, ɓáɔyɔnga na ɓato á ka mokonda ɓáɔ̌ɓɔ́ka.

1 Yoáni 4:7

Ɓadani ékondi, ɓékondanɛni nga, Mokonga ande cina ékondi. Nkpa buakɛ mmbé ana ekondi ande muna-Mokonga na amúbi Mokonga.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.