1 Ɓakɔlítɔ 4:8 - Ɔngana á Kɛ̌kɛ

⁸ Cɔ, ɓo ye tɔ na kema bui nde ɓonasiki í. Ɓo ye tɔ ɓatɔi. Ɓo ye tɔ ɓaamɛ, na ɓéké ɓaamɛ. Eya, nekondi gea ɓóɓɛ ɓaamɛ ɗoni ka gea, ɓesu phɔtɔ ɓémameɛ nji kimoci na ɓenu.

1 Ɓakɔlítɔ 4:8 Iomraidhean Croise

Matáyɔ 5:1

Mbenɔ nde Yéso ɗáɔni usɛsɛ á ɓakpa, áoɗapha gǔ á mamba, áoika kó. Ɓagoigi nɛkɛ ɓáɔsɛkeɗa bíbí akɛ,

Lóka 6:25

Ngomi ka ɓenu íɓunde ɓona eea ásii kɛ̌kɛnde nga, nja anóguiande. Ngomi ka ɓenu íɓundɔ ɓɔɔtɛba kɛ̌kɛnde nga, ɓoɓande ka kekusa na ngamɔ.

Ekuma á ɓateki 26:29

Pɔ́lɔ áonsikisia te: «Aoɓá ka mbenɔ ábɔa, kaɓɛ ka mbenɔ ásii, nɛɔmɛma Mokonga. Ɛmɛmi ndɔ nna tɔ ka phɔa akɔ sasakɔ, a ndiu phɔtɔ ka phɔa ɓakpa ɓɔbu ɓunde ɓáɔmɔɔ́ka kesande, ɓáɓɛ ɓea eme. Ɓákanómakeɛmbɛ ndiu ka mekakɔ ɓea eme.»

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

1 Ɓakɔlítɔ 1:5

Nga, Kiísito anóphi ɛtɔi ásii á yɔnga na úbapha phɛɛ.

1 Ɓakɔlítɔ 4:18

Ɓakpa ɓuangbo sɔsɔɓɛ anu ɗáɓáǒbeba, ɓáoúba te, kéjuɛeka ye kó.

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

2 Ɓakɔlítɔ 11:1

Cɔ, ɓaya, ómophiphiani phɔ́ ábɔa ka yɔnga nde nɛɔyɔnga ɓea mbóbó. Eya, nɛnɔmɛmi gea, ómophiphiani!

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

Ɓagalatía 6:3

Mmbé aǒɗokomisa na nna na kantíti, aǒdema sisakɛ.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Mphaniɔ 3:17

Ɔɔyɔnga gea: ‹Nende ntɔi, néosikia néɓá ntɔi, kéna ka siki á kema›, kángá uba sasakɔ gea, onde nto á ɓuyɛnɛ, nto á ngomi, múki, keíme-íme na ndumbu.

Mphaniɔ 5:10

Ɗóǒbisi ɓakpa ndɔ ɓáoɓá koɓoamɛ na ɓatoɓeigi-phɛ́a ka bɛɗaneaga á Mokonga, Na ɓámameande nji bui.»