1 Ɓakɔlítɔ 4:7 - Ɔngana á Kɛ̌kɛ

⁷ Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

1 Ɓakɔlítɔ 4:7 Iomraidhean Croise

Lóka 19:13

Mosá á gǎ akɛ, áɔ̌ɓɔphana ka ɓabɛɗanigi nɛkɛ nkama (10), áɔbɛɗa imɔna á láté nkama (10), áǒgabea ú moci-moci. Áǒgea: ‹Bɛɗanagani na imɔna ndee, na ka ɓî nejakuma.›

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Yoáni 3:27

Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

Ɓalɔ́ma 12:6

Ka ɓonjánja-ékondi ndea Mokonga aunge nkpa na nkpa sɔsɔɓɛ asu ɗátɔí ebigɔ ɗanga-ɗanga mɔtɛ á Mokonga, kaɓɛ n'ande ɔtɔa á nyɔngɔ, akeni gǎkɛ áɔtɔɛ ú ka ɓeana na ɓeekea nɛkɛ.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

1 Ɓakɔlítɔ 7:7

Netókondi gea, ɓakpa ɓɔbu ɓáɓɛ ɓea eme, kángá á ɓoá á nke. Nkpa na nkpa a gǎkɛ n'egabɔ nɛkɛ sasakɛ ɓíndɔ Mokonga amophi. Nkpa moci, egabɔ índe, nkpa ɓaangbo, egabɔ índo.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.