1 Ɓakɔlítɔ 4:6 - Ɔngana á Kɛ̌kɛ

⁶ Ɓaya, nɛyɔngi nyɔngɔ ndɔ gǔ ani na gǔ á Apɔ́lɔ gea, tambea asu áɓɛ mphangiɔ ka ɓenu. Mpɔ, ɓóoúba kantíti á nyɔngɔ ndee: «Ɓókotingɛ mɔnɔ nyɔngɔ nde ɗáɓáɗundu.» Kaɓondɔ unge, nkpa kěbebɛmbɛ ka phɔa nkpa moci, na ɓɛnjiaga á ɓakpa ɓunɛngbo.

1 Ɓakɔlítɔ 4:6 Iomraidhean Croise

Ekuma á ɓateki 18:24

Ka matú ndɔ, Moyúda moci inakɛ Apɔ́lɔ, mmbé ntanga-nji nɛkɛ á ɓɔkɔtɛana ande Alɛsanduía, áojua ka Ɛphɛ́sɔ. Ɗátú nto á kaátó na úba Ɓuku á Mokonga phɛɛ.

Ekuma á ɓateki 19:1

Ɓî Apɔ́lɔ ɗátú ka Kɔlítɔ, Pɔ́lɔ áophoɗa ka nji á mamba-mamba, áodida ka Ɛphɛ́sɔ. Kó, áǒdonda ɓagoigi ɓuangbo,

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

1 Ɓakɔlítɔ 1:12

Nekondi ngoɗea anu ɓe: Sɔsɔɓɛ anu, nkpa na nkpa aɔyɔnga yɔnga ínɛkɛ gea: «Eme, nende nkpa nde ɓa Pɔ́lɔ.» Ɓaangbo: «Eme nende ɓa Apɔ́lɔ.» Ɓaangbo: «Eme nende ɓa Pɛ́tɛɛ.» Na ɓaangbo «Eme nende ɓa Kiísito.»

1 Ɓakɔlítɔ 1:19

Ɓáɗundu suɓi á Ɓuku á Mokonga ɓe: «Netúkatúkande kɔɓɔɔngɛ ndea ɓato á kɔɓɔɔngɛ, neyande úbapha ndea ɓaúbaphi.»

1 Ɓakɔlítɔ 1:31

A tɔ ɓíndɔ ɓáɗundu suɓi á Ɓuku á Mokonga gea: «Mmbé aokonda éɗokomisa, éɗokomisɛ ka nyɔngɔ á Mɔkɔta.»

1 Ɓakɔlítɔ 13:4

Nto ékondi ana měma á phiphia kema bui, ande nkpa nde aǒenga ɓakpa, nna na nsengo, nna ǒɗokomisa, nnaǒbeba.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

1 Ɓakɔlítɔ 3:21

Cɔ, nkpa kaébebɛmbɛ ka phɔa á ɓakpa nga, kema bui ande anu.

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

1 Ɓakɔlítɔ 9:23

Neogea nndɔ bui ka nyɔngɔ á Mbino-Ánjá gea te, nɛ́tɔɛ ka keɓu á bisia njaga.

2 Ɓakɔlítɔ 10:12

Ɗoni, ɓéké tanda okaɓa ékengeanisa na éingimianisa na ɓato á maca, ɓî ɓáǒɗokomisa sasaɓɔ. Ɓáobisa kipimɔ nɛɓɔ sisaɓɔ ka épima ně. Ɓáokáɓa ékengeanisa sasaɓɔ. Ɓakpa ndɔ ɓánde ɓabóbó.

2 Ɓakɔlítɔ 10:15

Cɔ, ɓékéǒɗokomisa amanyɛ́nyɛa ka nyɔngɔ á ekuma ndea ɓakpa ɓuangbo. Ɓeseɓei ndiu gea, ɓɔmɔtande ka ɓeekea nɛnu. Mpɔ, ekuma nɛsu â phɔtɔ ondanda sɔsɔɓɛ anu na sikia gǎkɛ tɔ ka muwɔ nde ɗáɓásóbisíí.

2 Ɓakɔlítɔ 10:7

Ɓo tɔ kɔɛnjia kema gǔ-gǔ. Aoɓá nkpa n'aoúba te, ande nkpa ndea Kiísito, áúbɛ phɔtɔ gea, ɓesu ɓe phɔtɔ ɓó.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 12:19

Kanisia anu esa nde bui ande gea te ɓemɔ̂ kǒunia ka yɔnga mosá anu? Nna ɓó! Ɓɛɔyɔnga mosá á Mokonga, ɓíndɔ Kiísito aokonda, ka nyɔngɔ á mɔtisaga anu ka měma.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

2 Ɓakɔlítɔ 12:6

Atú gǎkɛ oɓá na nekondi éɗokomisa, kétóɓɛku mbóbó nga nɛyɔngande ɗoni. Cɔ, ké gǎkɛ ogea ɓó ka nyɔngɔ nde, kékóndi ɓakpa ɓámoɗokomisɛ phɛɛ kɔnyɛ́nya kema nde ɓáɔni na ɓáɔ́ki k'eme.

2 Ɓakɔlítɔ 4:15

Tambaga asu bui a tɔ ka nyɔngɔ anu. Kaɓondɔ unge, ɓonjánja-ékondi ndea Mokonga aódonda ɓakpa ɓásii phɛɛ, ka sega akɛ k'ɛ́mɛmi na beba akɛ ka ɓophómbia akɛ.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.