1 Ɓakɔlítɔ 4:5 - Ɔngana á Kɛ̌kɛ

⁵ Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

1 Ɓakɔlítɔ 4:5 Iomraidhean Croise

Matáyɔ 10:26

«Ɓókǒɓángɛmbɛ ɓakpa ndɔɔ. Kema bui nde ɓáobuniaga, angoɗokanande na nnde ɓáogea ka ɓɔsɔmɛa, aubukanande.

Matáyɔ 24:30

Mphangiɔ á Muna-Nkpa asɛnɛkande na koba na ɓukpɛkpɛ ángbó. Cɔ, ɓato á ka mokonda ɓɔbu ɓátaɓokanagande. Ɓámɔnande Muna-Nkpa n'akiɗiani k'egugu á na koba na ɓukpɛkpɛ na ɓophómbia.

Matáyɔ 24:46

Maseye ka mbɛɗanigi ndɔ, mbenɔ nde mɔkɔta nɛkɛ aoja, áondonda n'aobɛɗanaga ekuma ndɔɔ.

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Matáyɔ 25:23

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓeguɛ jaí kimoci!›

Lóka 6:37

Ɓókotenɛmbɛ nyɔngɔ á nkpa ka gea, ɓákatenɛmbɛ nyɔngɔ ínɛnu. Ɓókotenɛmbɛ nyɔngɔ á ɓakpa ka gea, ɓákatenembɛ nyɔngɔ ínɛnu akpɛ. Ímani ɓojeɗe nde ɓakpa ɓági ka phɔanu ka gea, ɓáímɛ ɓojeɗe ínɛnu.

Yoáni 21:22

Yéso áonsikisia: «Kaɓɛ na nekondi gea áendɛ na ka ɓî nebikande, nɛkɔ kau ande eke? Oɓɛ, ómoɓeá!»

Yoáni 21:23

Nyɔngɔ ndɔ áɔɛmba ka kecue á ɓadakɛ ɓáɓêki gea, ngoigi ndɔ kákuwɛku. Cɔ, Yéso ɗákángonɗi gea: «Kákuwɛku.» Ɗáyɔngi ndiu: «Kaɓɛ na nekondi gea áendɛ na ka ɓî nebikande, nɛkɔ kau ande eke?»

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Ɓalɔ́ma 14:4

Oɓɛ, onde ani ka tena á nyɔngɔ ndea mbɛɗanigi ndea nkpa ɓaangbo? Átetemisa ekuma nɛkɛ, kátetemisi, nndɔ a tɔ ɔnɛnjia mɔkɔta á ekuma nɛkɛ. Atetemisande ekuma nga, Mɔkɔta ana ɓukpɛkpɛ á sukia akɛ.

Ɓalɔ́ma 2:1

Cɔ, oɓɛ ímbe ootena nyɔngɔ á ɓakpa ɓunɛngbo akpɛ, nanga oɓá ani, ɓákáúkɛku phɔtɔ tena á nyɔngɔ ínɛkɔ akpɛ nga, ootena nyɔngɔ ndea ɓadakɔ akpɛ n'ɔ phɔtɔ otambea ɓea ɓɔ. Kaɓondɔ, o tɔ otena nyɔngɔ nɛkɔ akpɛ oɓɛ sasakɔ.

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

Ɓalɔ́ma 2:29

Moyúda á ɗoni a ndiu mmbé a ye úbikani suɓi akɛ na gúa á ganja suɓi á měma akɛ. Gúa á ganja ndɔ, áɔtɔtɔkɛana ka ɓukpɛkpɛ á Měma á Mokonga, nna ka nyɔngɔ ɛ́ɔphi ndea Mósa. Moyúda á ɗoni ndɔ, nna ɓakpa ɓáunge ɓáombeba, Mokonga aámbé a ndiu ombeba.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

1 Ɓakɔlítɔ 1:7

Kaɓondɔ, ɓókóúki k'égabɔ á ɓonjánja-ékondi ɓî ɓooɓóndea esa nde Mɔkɔta nɛsu Yéso Kiísito asɛnɛkaeka.

1 Ɓakɔlítɔ 11:16

A gǎkɛ oɓá nkpa n'aopúa ka nyɔngɔ ndɔ, kaɓɛ ɓesu, kaɓɛ kanisa ndea Mokonga, áúbɛ gea, ɓéké na asii nɛngbo.

1 Ɓakɔlítɔ 11:26

Nga, mɔngɔ bui nde ɓooea mokati nde, na noa divai á ka kiɓe nde, ɓooúbisa kukuwa á Mɔkɔta na ka ɓî ajaeka.

1 Ɓakɔlítɔ 15:23

Cɔ, ɓejujukande gǎkɛ nkpa na nkpa ka mbenɔ nɛkɛ. Kiísito aámbé ɗájujúki ka kukuwa, ande ánge, mpɔ, ɓakpa nɛkɛ k'ésa nde yɛ abikaeka.

1 Ɓakɔlítɔ 3:13

Cɔ, k'ésa á tena á nyɔngɔ, etéte á ekuma ndea nkpa na nkpa aɔnɛkanande base. Esa ndɔ, aɓande na nsa, nsa ndɔ unge, aphangiande base etéte á ekuma ndea nkpa na nkpa.

1 Ɓakɔlítɔ 3:14

Aoɓá ekuma á mɔphɛkɔ ndea nkpa na kásiɗi, nkpa ndɔ atɔande ophendɔ.

1 Ɓakɔlítɔ 3:8

Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 10:9

Kéokonda nɛɔnɛkanɛ ɓea nkpa nde aonóɓángisa ka ɓaoɓa nɛmɔ.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.

1 Ɓatɛsalɔníka 5:2

Nga, ɓo ye oúba gea, esa ndɔ abikaeka ɓea nkukuɓa n'aoɓúna endu kǐpha, mɛna-endu na káúbi mosá.

Ɓaɛbulanía 4:13

Nna na ka kema nde Mokonga ɗáconji nnde ɛ̌sɔmɛani k'íso akɛ. Kema bubui a tɔ ndúmbú mosá akɛ. Aoúba ú. Yɛ goto tɔ aámbé ɓɛtɔmiande nyɔngɔ ndeasu bubui mosá akɛ.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

Yakɔ́ɓɔ 5:7

Cɔ, ɓaya, phiphiani na ka ɓî Mɔkɔta abikande. Bisani kanisia anu ka ngubi ɓî aɔɔ́kanɛaga ɗúngú á mbó á ka ciko nɛkɛ. Yɛ aɔɔ́kanea ɔká á mbua á k'ama mosá-mosá na nnde á ka sungiaga.

Yakɔ́ɓɔ 5:9

Ɓaya, ɓɔ́kɔngɔngɔnɛanɛgɛmbɛ ka gea ɓákátenɛmbɛ nyɔngɔ nɛnu nga, nteni-nyɔngɔ a ye tɔ k'íso á mpume.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

2 Pɛ́tɛɛ 3:12

ɓî ɓooɓondea gea esa ndea Mokonga ákamisɛgɛ júa. Esa ndɔ, koba aújukanande na nsa, ɓasɛɛngɔa á na koba ɓáenyanyoande k'ɛɛmbɛ á nsa.

2 Pɛ́tɛɛ 3:4

na yɔnga te: «Mɔkɔta ɗáɔku gea, ajande. Cɔ, yɛ awani? Ka nyɔngɔ nde kpangá á ɓî ɓatatasu ɗáɓáku kala, kema bui a phɔ́tɔ ɓíndɔ ɗátú ka conjá á mokonda!»

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 20:12

nɛ́ɔ̌ɓɔna ɓasí, ɓagbɛga na ɓaniki na ɓámamege mosá á kankaanga á kɔkɔta. Ɓuku á enda áoúkukana base. Ɓáotena nyɔngɔ á ɓasí ka ɓeana na nnde ɗáɓági ɓíndɔ ɗáɓáɗundu suɓi á ɓuku á enda.