1 Ɓakɔlítɔ 4:4 - Ɔngana á Kɛ̌kɛ

⁴ Ɗoni, měma ani nna ɔmɔtɔnga ka kema. Nna gǎkɛ gea te, neúki ɓojeɗe. Mɔkɔta aámbé ande nteni-nyɔngɔ nɛmɔ.

1 Ɓakɔlítɔ 4:4 Iomraidhean Croise

Yoáni 21:17

Áomúsia mɔngɔ á ko isaɔ: «Simɔ́ni muna Yoáni, omokondi?» Pɛ́tɛɛ áɔɓɛa nga, Yéso ɗámúsi ka mɔngɔ á ko isaɔ: «Omokondi?» Mpɔ áonsikisia gea: «Mɔkɔta, oúba kema bui. O tɔ oúba gea nekokondi.» Yéso áongoɗea: «Ámbá ɓamɔgɔgɔ nɛmɔ.

Ekuma á ɓateki 23:1

Pɔ́lɔ áǒtúmia ɓato á ka ntua ángbó á ɓɔphɛi n'íso, áǒgea te: «Ɓaya, ka enda ani bui, měma ani na tambea ani aánjá mosá á Mokonga.»

Ɓalɔ́ma 2:13

Cɔ, nna gǎkɛ ɓakpa nde ɓá tɔ ɔɔ́ka ɛɔphi ɓáunge Mokonga aǒtanga ɓato á koɗoni. A ndiu ɓakpa nde ɓáotambea ɓíndɔ ɛɔphi asosi.

Ɓalɔ́ma 4:2

Aoɓá Mokonga na ɗántangi Abalaámu nto á koɗoni ka nyɔngɔ ékuma nɛkɛ, ana kema nde aǒbeba kau. Nna gǎkɛ ɔtɔka n'ěbebi mosá á Mokonga.

1 Ɓakɔlítɔ 4:3

Cɔ, kaɓɛ n'ande ɓenu, kaɓɛ n'ande ɓato á ka ntua á tena á nyɔngɔ ɓáunge ɓáotena nyɔngɔ nɛmɔ, nndɔ nna kema ángbó k'éme. Eme, ké gǎkɛ otena nyɔngɔ nɛmɔ sasani.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.