1 Ɓakɔlítɔ 4:21 - Ɔngana á Kɛ̌kɛ

²¹ Cɔ, ɓokondi ɓo? Nébikɛ mɔtɛ-anu na gbútu, kaɓɛ na měma ékondi na ɓɔphɔngɔ?

1 Ɓakɔlítɔ 4:21 Iomraidhean Croise

1 Ɓakɔlítɔ 4:18

Ɓakpa ɓuangbo sɔsɔɓɛ anu ɗáɓáǒbeba, ɓáoúba te, kéjuɛeka ye kó.

1 Ɓakɔlítɔ 5:5

Cɔ, mbisani nkpa ndɔ ka njaga á Sɛtáni gea, nyama akɛ áújukanɛ, měma akɛ áamɛ gǎkɛ esa nde Mɔkɔta Yéso ajande.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 10:6

Mbenɔ nde ɔ́kapha nɛnu a ye oɓá kángá kisɛki, ɓeɓande bíbí ka tena á nyɔngɔ akpɛ, tambea á kanga ɔ́kapha.

2 Ɓakɔlítɔ 10:8

Mɔkɔta aámbé ɗásópi kɔkɔta ka gea ɓénómamisɛ ndiu nga, ɓékéokáɓa gúsa anu. Neǒbeba ně phɛɛ na ké gǎkɛ ɔtɔka na neku na soni í.

2 Ɓakɔlítɔ 12:18

Nga, ɓî nenɗengemisigi Títɔ ágɛ mɔtɛ-anu kimoci na dasu moci, ɗánoúti mɔnɔ ka kema? Ande gea te, Títɔ n'eme, tambea asu nna k'aphe moci?

2 Ɓakɔlítɔ 13:10

Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 13:2

Nena nyɔngɔ á ngoɗea ɓakpa nde ɗáɓági ɓojeɗe mosá na ɓenu ɓɔbu phɔtɔ. Ɗéneyɔngi ú ɓî ɗétú na ɓenu ka tamba nɛmɔ á ko iɓɛ. Nesikíí goto kɛ̌kɛnde na nekéɓei. Ka tamba ndea mbusa ɓî neɓande kó, kénkuiɛku ye nkpa ngomi.

2 Ɓakɔlítɔ 2:1

Kaɓondɔ, ɗénegi gea, kéjeku ye mɔtɛ-anu ka gea te, kɛnɔɓɛisɛmbɛ goto.

2 Ɓakɔlítɔ 2:3

Kaɓondɔ unge, ɗénóɗundui gea, kébikɛku ka gea kěɓɛiɛmbɛ ɓakpa nde ɓátómotɛbisande ka kiɗiani mɔtɛ-anu. Ɗoni, nenoseɓei tɔ ɓenu ɓɔbu nga, neoúba gea, kema nde aomopa maseye a phɔtɔ ɓó ka ɓenu ɓɔbu.

2 Ɓakɔlítɔ 3:10

Cɔ, ɓɛɔtɔka na ɓɛyɔngi gea, ɓoombia ndɔ á kala nna ɔtɔka n'aingimiani na ɓoombia á kɛ̌kɛnde, nnde aángbó phɛɛ.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

1 Ɓatɛsalɔníka 2:7

Nanga ɓî ɗéɓetú na ɓukpɛkpɛ éɗokomisa mɔtɛ-anu ɓea ɓateki ndea Kiísito, ɓê ndiu oɓá na měma aphɔngɔ. Ɗéɓetú ɓea ɓama-ɓaniki, ɓunde ɓáotambea nyɔngɔ á ɓ'anaɓɔ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.