1 Ɓakɔlítɔ 4:19 - Ɔngana á Kɛ̌kɛ

¹⁹ Cɔ, kaɓɛ gǎkɛ Mɔkɔta n'akondi, ámbé nekamisagande donda anu. Mpɔ, neúbande, nna tɔndɔ yɔnga á ɓunde ɓáǒbeba, neúbande phɔtɔ kema nde ɓá na ɓukpɛkpɛ á gea í.

1 Ɓakɔlítɔ 4:19 Iomraidhean Croise

Ekuma á ɓateki 18:21

 ndiu ɔɔkɔwana na ɓɔ áǒgea te: «Aoɓá Mokonga n'akondi, ámbé nejande goto mɔtɛ-anu.» Mpɔ áokambea ka koko ángbó ka toka akɛ na Ɛphɛ́sɔ,

Ekuma á ɓateki 19:21

Mbusa índɔ, Pɔ́lɔ áosuia ka měma akɛ tenisia ka Makɛdɔnía na Akáya ka gea, ájuɛ na Yɛusalɛ́ma. Áɔyɔnga te: «Mbusa á gǎ kó, akeni phɔtɔ négɛ na Lɔ́ma.»

Ekuma á ɓateki 20:2

Ɓî ɗátúɔtɔmba nji ndɔ, ɗáɔ̌phɛa ɓagoigi nyɔngɔ ásii á gbagisaga á ɓɔ měma. Mbusa índɔ, áoga ka nji á Ɓagiíki,

Ɓalɔ́ma 15:32

Kaɓondɔ, nekiɗiande mɔtɛ-anu na netúmi na maseye, ka mɔphɛ ndea Mokonga na úmbia kimoci na ɓenu.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 14:5

Nekondi gea, ɓenu ɓɔbu ɓɔ́yɔngɛ ka ɛyɔngi nde nnaoúbukana. Nekondi gǎkɛ phɛɛ gea, ɓɔ́ɔtɔɛ nyɔngɔ nde atóki ka Mokonga. Ka nyɔngɔ nde, nkpa nde aɔɔtɔa nyɔngɔ nde atóki ka Mokanga, mmbɔ ana kantíti phɛɛ kɔnyɛ́nya nkpa nde aɔyɔnga ɛyɔngi nde nnaoúbukana. Nkpa ndɔ a tɔ na kantíti ámbé nkpa nde aoketia ɛyɔngi ndɔ aɓei, ka mɔtisaga á ɓeekea á ɓato á kanisa ɓɔbu.

1 Ɓakɔlítɔ 16:5

Nejúande mɔtɛ-anu ka nyɛ́nyɛa nci á Makɛdɔnía nga, netingande ú.

1 Ɓakɔlítɔ 16:7

Kékondi gǎkɛ nyɛ́nya anu mpongo. Ka ɓondo unge nenyɛ́nyisande ɓ'esa kimoci na ɓenu aoɓá Mɔkɔta n'akondi.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

1 Ɓakɔlítɔ 4:18

Ɓakpa ɓuangbo sɔsɔɓɛ anu ɗáɓáǒbeba, ɓáoúba te, kéjuɛeka ye kó.

1 Ɓakɔlítɔ 4:6

Ɓaya, nɛyɔngi nyɔngɔ ndɔ gǔ ani na gǔ á Apɔ́lɔ gea, tambea asu áɓɛ mphangiɔ ka ɓenu. Mpɔ, ɓóoúba kantíti á nyɔngɔ ndee: «Ɓókotingɛ mɔnɔ nyɔngɔ nde ɗáɓáɗundu.» Kaɓondɔ unge, nkpa kěbebɛmbɛ ka phɔa nkpa moci, na ɓɛnjiaga á ɓakpa ɓunɛngbo.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 10:9

Kéokonda nɛɔnɛkanɛ ɓea nkpa nde aonóɓángisa ka ɓaoɓa nɛmɔ.

Ɓaɛbulanía 6:3

Nndɔ ungɔ ɓegeande aoɓá Mokonga n'asósosi.

Yakɔ́ɓɔ 4:15

Atókeni gǎkɛ ɓɔ́yɔngɛ ɓe: «Aoɓá Mɔkɔta n'akondi, ɓeendande na ɓɛtɔtɔkisande nnde kaɓɛ nndɔ.»