1 Ɓakɔlítɔ 4:17 - Ɔngana á Kɛ̌kɛ

¹⁷ Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.

1 Ɓakɔlítɔ 4:17 Iomraidhean Croise

Matáyɔ 24:45

Cɔ, mbɛɗanigi sina mmbé aanjánjá n'aoúbapha mmbé mɔkɔta nɛkɛ amophi ophangɔ gǔ á ɓabɛɗanigi ɓuangbo ka gabea ɓɔ eea ka mbenɔ nde ɓákondi?

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Matáyɔ 25:23

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓeguɛ jaí kimoci!›

Ekuma á ɓateki 16:1

Pɔ́lɔ áojua ka Dɛ́ɛbɛ mbusa á wa, áɔtɔngana na Lísta. Wa, ɗátú na ngoigi moci ina akɛ Timɔtɛ́ɔ. Amakɛ ɗátú Moyúda mɓêki. Abakɛ ɗátú gǎkɛ nɛkɛ Mogiíki.

1 Ɓakɔlítɔ 11:16

A gǎkɛ oɓá nkpa n'aopúa ka nyɔngɔ ndɔ, kaɓɛ ɓesu, kaɓɛ kanisa ndea Mokonga, áúbɛ gea, ɓéké na asii nɛngbo.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 14:33

nga, Mokonga nna nto á eongo, a ndiu nto á ɓujɛjɛ. A tɔ ɓó ka kanisa bubui ndea ɓaɓêki ndea Mokonga.

1 Ɓakɔlítɔ 16:1

Cɔ, ka moangɔ á kɔngɔa kema ka ɓaɓêki á ka Yɛusalɛ́ma, geani phɔtɔ ɓó ɓíndɔ ɗéněngoɗi Ɓagalatía.

1 Ɓakɔlítɔ 16:10

Aoɓá Timɔtɛ́ɔ n'akiɗi, nseseani ánjá phɛɛ nga, a phɔtɔ ɔmbɛɗaneaga Mɔkɔta ɓea eme.

1 Ɓakɔlítɔ 4:14

Kénóɗundui nyɔngɔ nde ka kusa anu na soni, a ndiu ka phɛá anu ɓea ɓaniki nɛmɔ ékondi phɛɛ.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

1 Ɓakɔlítɔ 4:2

Cɔ, kema nde ɓámɛmi ka ɓaɗigimisi ekuma, ande bɛɗanaga ánjá.

1 Ɓakɔlítɔ 7:17

Cɔ, kaɓɛ na nna ɓó, akeni nkpa na nkpa áendɛ ka etéte á enda nde Mokonga ɗámophi. Áendɛ phɔtɔ ɓea ɓî ɗátú, Mokonga na kámɔphanimbɛ. Ɓɔphɛi ndɔ unge nɛɔphɛa ka kanisa bui.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

2 Ɓakɔlítɔ 8:18

Cɔ, ɓenteki Títɔ na dasu moci, mmbé kanisa bui ambebi ka nyɔngɔ á ekuma nɛkɛ á tɔ̌miaga Mbino-Ánjá.

Ɓaɛphɛ́sɔ 6:21

Dasu ékondi Tikíkɔ, ande mbɛɗanigi anjánjá ndea Mɔkɔta. Yɛ aámbé anóngoɗeagande nyɔngɔ nɛmɔ bui ka gea te, ɓóúbɛ enda ani a ɓo.

Ɓaphilípi 2:19

Cɔ, nena nseɓeɔ ka Mɔkɔta Yéso gea, nentekande Timɔtɛ́ɔ mɔtɛ-anu kɛ̌kɛnde ka gea, ámogbagisɛgɛ měma na mbino nde atókande ně mɔtɛ-anu.

Ɓaphilípi 2:22

Cɔ, Ɓo ye úbi gǎkɛ gea, Timɔtɛ́ɔ aɔnisi gea, a ye kakamani. Ɗábɛɗanigi kimoci n'eme ekuma á Mbino-Ánjá ɓea miki n'abakɛ.

Ɓakɔlɔsái 1:7

Epáphaa dasu mbɛɗanigi ékondi, yɛ aámbé ɗánogoisigi. Yɛ, ande mbɛɗanigi nɛnu ka Kiísito ka ɗoni.

Ɓakɔlɔsái 4:9

Yɛ, ɓáge na Ɔnɛsímɔ. Ɔnɛsímɔ ande dasu ékondi, na muna-amasu anjánjá. Yɛ, ande ɓ'anu. Ɓɔ, ɓánóngoɗeagande nyɔngɔ bui nde aɔnyɛ́nya wani.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

2 Timɔtɛ́ɔ 3:10

Oɓɛ gǎkɛ, ɗómoɓi bîbíbí ka ɓɔphɛi nɛmɔ, tambea ani, mɔphɛ nɛmɔ, ɓeekea nɛmɔ, phiphia nɛmɔ, ekondi nɛmɔ, phiphia á tambaga nɛmɔ.

Títɔ 1:5

Cɔ, ɗékosagi ka kesanga á Kɛɛ́tɛ ka gea, ɔ́ɓɔngisɛgɛ nyɔngɔ bui nde ajigi, na bisa á ɓagbɛga á kanisa ka ntanga-nji bui, ɓíndɔ ɗékososi.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.