1 Ɓakɔlítɔ 4:15 - Ɔngana á Kɛ̌kɛ

¹⁵ Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

1 Ɓakɔlítɔ 4:15 Iomraidhean Croise

Ɓalɔ́ma 15:20

Mɔphɛ ani ɗátú tɔ ka tɔ̌miaga Mbino-Ánjá ɔma nde ɓákáɔ́kimbɛmɔnɔ nyɔngɔ á Kiísito. Ka gea te, kɛphɛ̌kɛmbɛ ɔma nde nkpa ɓaangbo ɗákpangi phɛ̌ka.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 15:1

Ɓaya, nekondi goto nénókanisiɛ Mbino-Ánjá nde ɗénɔtɔ̌migi. Ɗóɓoɓeeki ú, na ka kɛ̌kɛnde, ɓo phɔ́tɔ oamba ú.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 3:6

Eme, ɗékoni mbó, Apɔ́lɔ áoɗukia iɓo, Mokonga â gǎkɛ ɔtɛisa ú.

1 Ɓakɔlítɔ 3:8

Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

1 Ɓakɔlítɔ 9:12

Cɔ, kaɓɛ ɓakpa ɓuangbo na ɓá na kɔkɔta á tɔá á kema ka njaga anu, ɓesu ɓéké phɔtɔ na kɔkɔta phɛɛ á tɔá á kema ka njaga anu? Cɔ, ɓesu, ɗéɓekébɛɗaneigi kɔkɔta ndɔ, ɓê ndiu oɗeketa kɔkɔta ndɔ ka gea, ɓékéimisiɛ mɔnɔ tútuisa á Nyɔngɔ-Ánjá ndea Kiísito.

1 Ɓakɔlítɔ 9:14

A ɓíndɔ Mɔkɔta ɗásosi gea, ɓakpa nde ɓáɔtɔmiaga Mbino-Ánjá, ɓáendɛ k'ékuma á tɔ̌miaga á Mbino-Ánjá.

1 Ɓakɔlítɔ 9:16

Kɛ́ɔtɔka na něbebi ka tɔ̌miaga á Mbino-Ánjá nga, ande kema nde ɓámososi. Ande ngomi k'éme aoɓá na kɛ́tɔ̌migi Mbino-Ánjá.

1 Ɓakɔlítɔ 9:18

Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

1 Ɓakɔlítɔ 9:23

Neogea nndɔ bui ka nyɔngɔ á Mbino-Ánjá gea te, nɛ́tɔɛ ka keɓu á bisia njaga.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Ɓagalatía 3:24

Ɛɔphi ɗáosóamba na ka ɓî Kiísito ɗábiki ka ɓá ɓato á koɗoni mosá á Mokonga ka nyɔngɔ á ɓeekea.

Ɓagalatía 3:25

Ɓî mbenɔ á ɓeekea ajú ye, nna ye ɛɔphi unge aosóamba.

Ɓagalatía 4:19

Cɔ, ɓaniki amɔ, ne goto otambaga ka nyɔngɔ anu ɓea nke n'aka ɓoaé. Na ka ɓî aúbikanande base gea, Kiísito a suɓi anu.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Philɛmɔ́nɔ 1:19

Eme Pɔ́lɔ aámbé neɗundu nyɔngɔ nde na njaga ani sasani gea: nekophendande. Oɓɛ gǎkɛ, kanisia gea, ona nyɔngɔ nɛmɔ nga, ɗékobikíí na mbino á ɓoamia.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.