1 Ɓakɔlítɔ 4:12 - Ɔngana á Kɛ̌kɛ

¹² Ɓɛɔbɛɗanaga akpɛ phɛɛ na njaga asu sasasu. Mbenɔ nde ɓakpa ɓáosóbóma, ɓê gǎkɛ ǒbisia njaga. Mbenɔ nde ɓakpa ɓáosótambisaga, ɓê gǎkɛ odakana.

1 Ɓakɔlítɔ 4:12 Iomraidhean Croise

Matáyɔ 5:11

Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani.

Matáyɔ 5:44

Eme nenóngoɗi gǎkɛ te: ókondani ɓaɓibia nɛnu, ɓɔ́mɛmɛ ndiu Mokonga ka phɔa ɓundɔ ɓáonótambisaga.

Lóka 23:34

Mpɔ Yéso áɔyɔnga gea: «Abɛ íma ɓojeɗe nɛɓɔ nga, ɓákáoúba kema nde ɓáogea.»] Wa, ɓáogabisana ngɔ́mbɛ nɛkɛ mbusa á ɓɛta ɓana-mɛlɔɛ kau.

Lóka 6:28

Bisani njaga gǔ á ɓunde ɓáɔnɔsɛmɛaga, mɛmani Mokonga ka phɔa ɓakpa nde ɓáonókpetekea na nyɔngɔ ka mbɛa.

Yoáni 15:20

Kanisiani phɔ́ nyɔngɔ nde ɗénóngoɗi gea: ‹Nna na mbɛɗanigi nde, ana ɓoombia kɔnyɛ́nya mɔkɔta nɛkɛ.› Ɓî ɓámotambisigi, ɓánotambisagande phɔtɔ ɓó. Atúoɓá na ɓáambi nyɔngɔ nɛmɔ, ámbé ɓáambande phɔtɔ nɛnu.

Ekuma á ɓateki 18:3

Áoika mɔtɛ-aɓɔ n'aɔbɛɗanaga nga, ekuma nɛɓɔ ɗátú á etéte moci, n'ande á ɓɔngisiaga á ɛma.

Ekuma á ɓateki 20:34

Ɓo ndiu oúba gea, eme sasani ɗɛ́túɔbɛɗanaga ka tɔá á kema nde ɗámokeni, phɔtɔ na ka ɓadani.

Ekuma á ɓateki 7:60

Mpɔ, áogbúka muanku, áokoga akpɛ phɛɛ, áogea: «Mɔkɔta Yéso, kóbisɛmbɛ nyɔngɔ á ɓojeɗe nɛɓɔ ka měma.» Mbusa á yɔnga akɛ ɓondɔ, áokuwa.

Ɓalɔ́ma 12:14

Mɛmani Mokonga ábisɛ njaga gǔ á ɓakpa nde ɓáonótambisaga. Mɛmani ka phɔa ɓɔ, ɓɔ́kɔ̌sɛmɛɛgɛmbɛ.

Ɓalɔ́ma 12:20

 gǎkɛ goto ɔyɔnga: «Aoɓá mɓiɓia akɔ n'ana nja, mopha yɛ kema á koea, aoɓá n'ana ɛnyɔta, mopha kema á onoa. Aoɓá n'ogi ɓó, onkusande na soni ɓea kema n'ómphombei eká ka mɔ̌ akɛ.»

Ɓalɔ́ma 8:35

Ekende áɔtɔka katanisa asu n'ekondi ndea Kiísito? Tambaga, kema ájeɗe nde aoúja měma á nkpa, kisoni, nja, ɓuyɛnɛ á ngɔ́mbɛ, ɓiá, kukuwa?

1 Ɓakɔlítɔ 9:6

Ande gea, eme kaɓɛ Baanába tɔ ɓáunge ɓeɔbɛɗanaga ka tɔá á kema nɛsu bubui nde ɓeoenda ně ee?

2 Ɓakɔlítɔ 11:8

Mbenɔ nde ɗɛ́ɔnɔ́bɛɗaneaga ɗéneɓeeki gea kanisa nɛngbo unge ámophendɛ na ákumbɛ ɓoɗoko ani. A phɔtɔ ɓea eme, ɗéutí nkumba á kanisa ndɔ na bɛɗaneaga í ka enga anu.

Ɓaɛphɛ́sɔ 4:28

Nkukuɓa kaúɓɛmbɛ ye goto. Ákpangɛ ndiu bɛɗanaga ekuma á njaga ánjá, ka gea, áendɛ ánjá na áɓɛ na kema á gabea ɓato á ɓuyɛnɛ.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

2 Ɓatɛsalɔníka 3:8

Ɗékéí ea ndea nkpa ecici. Ɗéɓe ndiu ɔbɛɗanaga keiphe n'esa, ɓéotambaga, ɓɛ́ɔɛla ka kanga bisa ɓoɗoko asu ka nkpa moci sɔsɔɓɛ anu.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

1 Pɛ́tɛɛ 2:23

Cɔ, mbenɔ nde ɗáɓámbómi, kěsikisiɛ mbóma. Mbenɔ nde ɗáɓántambisigi, kěɓángisɛ tanda ɓakpa. Ɗébisi ndiu sasakɛ ka njaga á Mokonga mmbé aotena nyɔngɔ na koɗoni.

1 Pɛ́tɛɛ 3:14

Cɔ, nanga ɓótótambaga ka nyɔngɔ nde ande á ɗoni, ɓotóɓande na maseye. Ɓókǒɓángɛmbɛ ɓakpa, ɓókóagatanɛmbɛ ka měma.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.

1 Pɛ́tɛɛ 4:19

Cɔ, ɓakpa nde ɓáotambaga ka nyɔngɔ á tɔtɔkisa á mɔphɛ ndea Mokonga, ɓátútuisɛ tɔtɔkisa á kema ánjá. Ɓábisɛ phɔtɔ měma aɓɔ ka njaga á Mokonga mmbé ěconji. Yɛ, ande mmbé nnaotinganisa mɔkɔ nɛkɛ.

Yúda 1:9

Nanga Mikaɛ́li áɓá mɔkɔta á ɓamalaéka, ɗákági gǎkɛ ɓó. Ɓî ɗáɓáopúa na nketi na sanea mǒnda á Mósa, Mikaɛ́li ɗákáteni gǎkɛ nyɔngɔ na bóma á nketi. Ɗángi ndiu nketi gea: «Ambe Mɔkɔta áophekeɛgɛ.»