1 Ɓakɔlítɔ 4:10 - Ɔngana á Kɛ̌kɛ

¹⁰ Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

1 Ɓakɔlítɔ 4:10 Iomraidhean Croise

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

Matáyɔ 5:11

Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani.

Lóka 10:16

Wa, Yéso áǒngoɗea ɓagoigi nɛkɛ: «Nkpa nde aɔnɔɔ́ka, amɔɔ́ki phɔtɔ. Mmbé anóyé gǎkɛ, amoyé. Mmbé amoyé, an'yé ndiu mmbé amoteki.»

Lóka 18:9

Yéso ɗáyɔngi mɛní nde ka ɓakpa ɓunde ɗáɓáogea ɓánde ɓato á koɗoni na ɓáǒtondea ɓadaɓɔ. Mɛní kau aungee:

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 17:32

Ɓî ɓato á ka Atɛ́nɛ ɓáɔ́ki ye nyɔngɔ á jujúka á ɓasí ka kukuwa, ɓuangbo ɓáɔntɛbɛa, ɓuangbo ɓâ gǎkɛ ogea te: «Ɓɛɔ́kande goto n'ɔɔyɔnga nyɔngɔ ndɔ esa nɛngbo.»

Ekuma á ɓateki 26:24

Mbenɔ nde Pɔ́lɔ ɗáɔ̌yɔngea ɓó, Phɛ́sitɔ áonkogea te: «Pɔ́lɔ ca! Ona ganja ee? Goaga akɔ ásii aunge aoyaísi?»

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 1:23

Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

1 Ɓakɔlítɔ 1:25

Ka nyɔngɔ nde, kobóbó nde ɓáte Mokonga aně, ande kɔɓɔɔngɛ phɛɛ kɔnyɛ́nya kɔɓɔɔngɛ ndea ɓakpa. Ɓɔɔlɔ nde ɓáte Mokonga aně, ande ɓukpɛkpɛ phɛɛ kɔnyɛ́nya ɓukpɛkpɛ ndea ɓakpa.

1 Ɓakɔlítɔ 10:12

Cɔ, nkpa nde aokanisia gea te, amame, éambɛ. Kaguɛ mɔnɔ.

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 2:3

Kaɓondɔ, mbenɔ nde eme ɗéjú mɔtɛ-anu, ɗékétú na ɓukpɛkpɛ, néoɓá na kɔɓɔɓɔkɔ, nyama áɔmɔsɔka.

1 Ɓakɔlítɔ 3:18

Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

1 Ɓakɔlítɔ 3:2

Kaɓondɔ unge, ɗénóphi iɓo-ɛ́ɓɛ ka noa í, kángá opha anu eea akpɛ nnde ɗɔ́ɓɔ́kɔ́tɔkɛku. Na ka kɛ̌kɛnde, ɓɔ́kɔ́tɔkɛku

1 Ɓakɔlítɔ 4:8

Cɔ, ɓo ye tɔ na kema bui nde ɓonasiki í. Ɓo ye tɔ ɓatɔi. Ɓo ye tɔ ɓaamɛ, na ɓéké ɓaamɛ. Eya, nekondi gea ɓóɓɛ ɓaamɛ ɗoni ka gea, ɓesu phɔtɔ ɓémameɛ nji kimoci na ɓenu.

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 11:19

Ɓenu ɓogi te ɓooúbapha, nndɔ ungɔ ɓǒphiphia ɓabóbó kau ka konda anu.

2 Ɓakɔlítɔ 11:29

Aoɓá nkpa na nna akpɛkpɛ, nê phɔtɔ ɔ̌yɔka ɓɔɛlu. Nkpa aogua ka ɓojeɗe, nyɔngɔ ndɔ áomokaea phɛɛ.

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

2 Ɓakɔlítɔ 4:12

Cɔ, kukuwa aosóɓondea ɓesu, enda a gǎkɛ ka ɓenu.

2 Ɓakɔlítɔ 6:8

nanga ɓásoɗokomisa kaɓɛ tóndea asu, nanga ɓásobeba kaɓɛ bóma asu. Ɓuangbo ɓáogea te, ɓende ɓademigi, nanga ɓéɓá ɓato á ɗoni.

1 Ɓatɛsalɔníka 4:8

Cɔ, nkpa nde ayé ɓɔphɛi ndɔ, kán'yé nkpa nde amphɛí, an'yé ndiu Mokonga, mmbé asóphi Měma nɛkɛ.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.