1 Ɓakɔlítɔ 4:1 - Ɔngana á Kɛ̌kɛ

¹ Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

1 Ɓakɔlítɔ 4:1 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Matáyɔ 24:45

Cɔ, mbɛɗanigi sina mmbé aanjánjá n'aoúbapha mmbé mɔkɔta nɛkɛ amophi ophangɔ gǔ á ɓabɛɗanigi ɓuangbo ka gabea ɓɔ eea ka mbenɔ nde ɓákondi?

Málikɔ 4:11

Yéso áǒsikisia te: «Mokonga anoúbisi nyɔngɔ á ɓɔsɔmɛa á koɓoamɛ nɛkɛ. Ka ɓundɔ ɓá gǎkɛ na nsɛngɛ, nyɔngɔ aɛsɔmɛani ka mɛní.

Lóka 1:2

Ɗáɓáúsigi nyɔngɔ ndɔ ka ɓaɗigimisi ɓundɔ ɗáɓáɔni kema bui ka nkpangeɔ í, ɓáoɓá ɓabɛɗanigi á tɔ̌miaga nyɔngɔ á Mokonga.

Lóka 12:42

Mɔkɔta áonsikisia te: «Ani mmbé ande mbɛɗanigi á koɗoni n'ande múbaphi? Nga mɔkɔta nɛkɛ ambisi gǔ á ɓadakɛ ka gabea aɓɔ eea mbenɔ nde ɓá na siki í.

Lóka 8:10

Yéso â gǎkɛ ǒsikisia: «Ɓenu ɓáunge Mokonga anoúbisi nyɔngɔ á ɓɔsɔmɛa á ka koɓoamɛ ndeakɛ. Ɓakpa ɓunɛngbo gǎkɛ, ɓá tɔ ɔɔ́ka ka mɛní, ka gea te: ‹Ɓáɔɔnjia, ɓákáɔnɛ, ɓáɔɔ́ka, ɓákáengekisɛ.›»

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

1 Ɓakɔlítɔ 4:13

Mbenɔ nde ɓakpa ɓáosóphusiaga na nyɔngɔ, ɓéǒsikisia ɓujɛjɛ. Kɛ̌kɛnde ɓakpa ɓáɔsɔ́ɔna ɓea kema á jǎi-jǎi á ka mokonda na ɓea eû.

1 Ɓakɔlítɔ 4:2

Cɔ, kema nde ɓámɛmi ka ɓaɗigimisi ekuma, ande bɛɗanaga ánjá.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 12:6

Atú gǎkɛ oɓá na nekondi éɗokomisa, kétóɓɛku mbóbó nga nɛyɔngande ɗoni. Cɔ, ké gǎkɛ ogea ɓó ka nyɔngɔ nde, kékóndi ɓakpa ɓámoɗokomisɛ phɛɛ kɔnyɛ́nya kema nde ɓáɔni na ɓáɔ́ki k'eme.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Ɓaɛphɛ́sɔ 6:19

Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Timɔtɛ́ɔ 3:6

Kaɓɛmbɛ mokiísito á kɛ̌kɛ, ámbé aebebande, mbusa í, Mokonga áotena nyɔngɔ nɛkɛ akpɛ ɓíndɔ á nketi.

1 Timɔtɛ́ɔ 3:9

Akeni ɓáambɛ ɓeekea á ɗoni na měma ánjá.

Títɔ 1:7

Ambe nambi-kanisa, áɓɛ kángá kisɛki nga, yɛ aoamba kanisa ndea Mokonga. Cɔ, kaɓɛmbɛ nto-ébeba, nto-ésuia, nto á ɓoita, nkae, nto á maibe-maibe ka imɔna.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.