1 Ɓakɔlítɔ 3:8 - Ɔngana á Kɛ̌kɛ

⁸ Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

1 Ɓakɔlítɔ 3:8 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Lóka 19:19

Moamɛ áongea: ‹Oɓɛ gǎkɛ nekophi kɔkɔta á ntanga-nji ɓɔku.›

Ɓalɔ́ma 2:6

Nga, Mokonga amphendaeka nkpa buakɛ ɓíndɔ akeni ka bɛɗanaga nde abɛɗanagi.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 3:14

Aoɓá ekuma á mɔphɛkɔ ndea nkpa na kásiɗi, nkpa ndɔ atɔande ophendɔ.

1 Ɓakɔlítɔ 3:7

Cɔ, nkonanigi na nɗuki-iɓo ɓɔbu ɓáká na kantíti. Mmbé ana kantíti, a gǎkɛ tɔndɔ Mokonga, mmbé aɔtɛisa mbó.

1 Ɓakɔlítɔ 3:9

Nga, ɓɛɔmbɛɗaneaga Mokonga kimoci. Na ɓenu, ɓonde ciko na mɔphɛkɔ ndea Mokonga.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

1 Ɓakɔlítɔ 9:7

Nto-émani sina mmbé amɔnɔ ǒphenda sasakɛ k'ékuma á nto á emani? Ngubi-ciko sina mmbé aokona mbó, káeɛ kau? Cɔ, nambi etuge sina mmbé, nna mɔnɔ onoa ka iɓo-ɛ́ɓɛ á k'etuge nɛkɛ?

Ɓagalatía 6:4

Akeni ndiu nkpa na nkpa áambɛ tambea akɛ sasakɛ. Aoɓá n'aóbeba áebebɛ ka yɛ sisakɛ. Kaékengeanisɛmbɛ ndiu na ɓakpa ɓunɛngbo.

Ɓagalatía 6:5

Nga, akeni nkpa na nkpa ákumbɛ nkumba nɛkɛ sasakɛ.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

2 Yoáni 1:8

Cɔ, ɔ́ɛnjɛani ka gea, ɓókóújɛmbɛ ekuma nde ɓɛbɛɗanigi sɔsɔɓɛ anu, akeni ndiu ɓɔ́tɔɛ ophendɔ nɛnu bui.

Mphaniɔ 2:23

Kaɓɛ na ɓákáɗeketi, němowande ɓakpa nde ɓágamani na yɛ. Mpɔ, ɓato á ka kanisa ɓɔbu ɓáúbande gea, neoengekisa mɔphɛ á ɓakpa na kanisia aɓɔ. Úbani gea, nemphendande nkpa na nkpa sɔsɔɓɛ anu ka ɓeana na tambea akɛ.

Mphaniɔ 22:12

Yéso áɔyɔnga te: «Cɔ, neobika kɛ̌kɛnde! Nebikande n'ophendɔ ka phenda nkpa na nkpa ka ɓeana na nnde ɗági.