1 Ɓakɔlítɔ 3:5 - Ɔngana á Kɛ̌kɛ

⁵ Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

1 Ɓakɔlítɔ 3:5 Iomraidhean Croise

Matáyɔ 25:15

Áomopha moci imɔna á láté ɓɔku, ɓaangbo iɓɛ na ɓaangbo moci ka ɓeana na okuu á nkpa na nkpa. Mpɔ áoga.

Lóka 1:2

Ɗáɓáúsigi nyɔngɔ ndɔ ka ɓaɗigimisi ɓundɔ ɗáɓáɔni kema bui ka nkpangeɔ í, ɓáoɓá ɓabɛɗanigi á tɔ̌miaga nyɔngɔ á Mokonga.

Yoáni 3:27

Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi.

Ekuma á ɓateki 18:24

Ka matú ndɔ, Moyúda moci inakɛ Apɔ́lɔ, mmbé ntanga-nji nɛkɛ á ɓɔkɔtɛana ande Alɛsanduía, áojua ka Ɛphɛ́sɔ. Ɗátú nto á kaátó na úba Ɓuku á Mokonga phɛɛ.

Ekuma á ɓateki 19:1

Ɓî Apɔ́lɔ ɗátú ka Kɔlítɔ, Pɔ́lɔ áophoɗa ka nji á mamba-mamba, áodida ka Ɛphɛ́sɔ. Kó, áǒdonda ɓagoigi ɓuangbo,

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 16:12

Ka nyɔngɔ á dasu Apɔ́lɔ, ɗénɗengemisigi gea, ágɛ mɔtɛ-anu kimoci na ɓadasu ɓuangbo. Nna gǎkɛ na siki á gǎ kɛ̌kɛnde. Agande ka mbenɔ nde akondande.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 3:22

Nanga áɓá Pɔ́lɔ, áɓá Apɔ́lɔ, áɓá Pɛ́tɛɛ, nanga á ɓá mokonda, áɓá enda, áɓá kukuwa, nanga áɓá matú á kɛ̌kɛ, áɓá matú nde abikaeka, kema bubui ande anu.

1 Ɓakɔlítɔ 3:7

Cɔ, nkonanigi na nɗuki-iɓo ɓɔbu ɓáká na kantíti. Mmbé ana kantíti, a gǎkɛ tɔndɔ Mokonga, mmbé aɔtɛisa mbó.

1 Ɓakɔlítɔ 9:17

Atúoɓá eme aámbé ɗɛ́sɔmbu ekuma nde sasani, ámbé netókeni na tɔá á ophendɔ. Cɔ, ka ɔna gea ɓámososi, akeni gǎkɛ tɔ nɛ́tɔtɔkisɛ ú.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 3:3

Eya, ande base gea, Kiísito aámbé aɗundu ɓaoɓa ndɔɔ, ɓesu ɓáunge ɗáɓásóphi ú ka bika ně. Ɗákáɗundu ú na pɛnjɛa, ɗáɗundu ndiu na Měma á Mokonga, Mɛyɔ. Mokonga ɗákáɗundu ú ɓea gǔ ɛ́tɛ nde Mósa ɗábɛɗaneigi, ɗáɗundu ndiu ka měma á ɓakpa.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

2 Ɓakɔlítɔ 4:7

Ɓesu íɓunde ɓekumbi ɛtɔi á ka měma ndɔ, ɓe gǎkɛ ɓea mbeka-toko. Mokonga ɗági ɓondɔ ka úbisa a ɓakpa gea, ɓukpɛkpɛ nɛkɛ aángbó, kátóki ka ɓesu sisasu.

2 Ɓakɔlítɔ 5:18

Nyɔngɔ ndɔ bui atóki ka Mokonga. Yɛ aámbé asɔ́ɔnganisi na yɛ ka nyɔngɔ á Kiísito. Asóphi phɔtɔ ekuma á ɔnganisa á ɓakpa ɓunɛngbo na yɛ.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

Ɓaɛphɛ́sɔ 3:7

Ne ye tɔ mbɛɗanigi á tɔ̌miaga Mbino-Ánjá ndea Mokonga, k'égabɔ á ɓonjánja-ékondi nɛkɛ na ɓukpɛkpɛ nɛkɛ.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:25

Eme ne ye tɔ mbɛɗanigi á kanisa ɓíndɔ Mokonga ɗámopi gea, nɛ́bɛɗanɛgɛ ka nyɔngɔ anu. Ekuma ndɔ ande tɔ̌miaga á nyɔngɔ nɛkɛ bubui.

1 Timɔtɛ́ɔ 1:12

Nembebi gǎkɛ Yéso Kiísito Mɔkɔta nɛsu, mmbé ɗámopi ɓukpɛkpɛ á bɛɗanaga ekuma nɛkɛ. Aúbi gea, nekeni bɛɗaneaga akɛ, ka nyɔngɔ índɔ unge, amobisi k'ékuma nɛkɛ.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.