1 Ɓakɔlítɔ 3:3 - Ɔngana á Kɛ̌kɛ

³ nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

1 Ɓakɔlítɔ 3:3 Iomraidhean Croise

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

1 Ɓakɔlítɔ 1:11

Ai ɓaya! Nɛyɔngi ɓó ka nyɔngɔ nde, ɓato á k'ékombo ndea Kɔlɔ́ɛ ɓábiki omongoɗea gea, ɓoosanaga.

1 Ɓakɔlítɔ 11:18

Ɓámongoɗi phɔ́ gea, ɓî ɓoodondanaga, ɓokatanigi sɔsɔɓɛ anu. Na neɓeeki gea ka nyɔngɔ ndɔ, kau ande ɗoni.

1 Ɓakɔlítɔ 3:4

Mbenɔ nde ka ɓenu aɔyɔnga te: «Eme, nende nkpa nde ɓa Pɔ́lɔ», ɓaangbo áɔyɔnga te: «Eme, nende ɓa Apɔ́lɔ» cɔ, ɓókó phɔ́tɔ otambea kokpa?

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Yakɔ́ɓɔ 3:16

Nga, ɔma nde nsengo na měma á eteɓa aɓei, eongo a phɔtɔ ɓei n'etéte á ɓojeɗe bui.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.