1 Ɓakɔlítɔ 3:23 - Ɔngana á Kɛ̌kɛ

²³ Cɔ, ɓenu, ɓonde gǎkɛ ɓakpa ndea Kiísito, Kiísito n'ande ɓa Mokonga.

1 Ɓakɔlítɔ 3:23 Iomraidhean Croise

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Yoáni 17:18

Ɓíndɔ ɗómoteki ka mokonda, eme ɗěteki phɔtɔ ka mokonda.

Yoáni 17:21

Nɛɔmɛma ka gea, ɓɔbu ɓáɓɛ kimoci, ɓíndɔ oɓɛ Abɛ osuɓi ani, n'eme suɓi akɔ. Nɛmɛmi phɔtɔ gea, ɓáɓɛ kimoci suɓi asu ka gea, ɓato á ka mokonda ɓáɓeekeɛ gea, oɓɛ aámbé ɗómoteki.

Ɓalɔ́ma 14:8

Nga, aoɓá na ɓeoenda, ɓeoenda ka Mɔkɔta, kaɓɛ na ɓéokuwa, ɓéokuwa ka Mɔkɔta. Kaɓɛ ɓékuwa, ɓéenda, ɓende ɓakpa ndea Mɔkɔta.

1 Ɓakɔlítɔ 11:3

Nekondi gǎkɛ ɓóúbɛ nyɔngɔ ndee: Kiísito ande mɔ̌ á mǒko buakɛ. Mǒko ande mɔ̌ á nke. Mokonga ande mɔ̌ á Kiísito.

1 Ɓakɔlítɔ 15:23

Cɔ, ɓejujukande gǎkɛ nkpa na nkpa ka mbenɔ nɛkɛ. Kiísito aámbé ɗájujúki ka kukuwa, ande ánge, mpɔ, ɓakpa nɛkɛ k'ésa nde yɛ abikaeka.

1 Ɓakɔlítɔ 15:28

Mbusa, ɓî Mokonga abisande kema bui kusi á kɔkɔta ndea Kiísito, Kiísito sasakɛ ěbisande kusi á Abakɛ, mmbé ɗábisi kema bubui kusi á Kiísito. Mpɔ, Mokonga aɓande ye tɔ moamɛ gǔ á kema bubui.

1 Ɓakɔlítɔ 7:22

Nga, nkpa nde Mɔkɔta ɗámɔphani n'ande nkɔɓɛ, atóki ye tɔ ka kɔkɔɓɛ ɓî a ye nkpa ndea Mɔkɔta. Nkpa nde Mɔkɔta ɗámɔphani na nna nkɔɓɛ, a ye gǎkɛ nkɔɓɛ ndea Kiísito.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

2 Ɓakɔlítɔ 10:7

Ɓo tɔ kɔɛnjia kema gǔ-gǔ. Aoɓá nkpa n'aoúba te, ande nkpa ndea Kiísito, áúbɛ phɔtɔ gea, ɓesu ɓe phɔtɔ ɓó.

Ɓagalatía 3:29

Aoɓá na ɓonde ɓakpa ndea Kiísito, ɓo ye tɔ ɓato á k'ekombo ndea Abalaámu. Ɓonde ɓamɛna-ɓotukɔ ɓíndɔ Mokonga ɗáɔku.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.