1 Ɓakɔlítɔ 3:18 - Ɔngana á Kɛ̌kɛ

¹⁸ Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

1 Ɓakɔlítɔ 3:18 Iomraidhean Croise

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Matáyɔ 18:4

Nkpa buakɛ mmbé ědidisande na ɓá ɓea miki abɔbɔa nde, aámbé aɛ́nyɛ́nyande ɓadakɛ ka koɓoamɛ á na koba.

Málikɔ 10:15

Nenóngoɗi ɗoni gea, nkpa nde káɓeeki nyɔngɔ á koɓoamɛ ndea Mokonga ɓea miki, kángiɛku tanda kó.»

Lóka 18:17

Nenóngoɗi ɗoni gea, nkpa nde káɓeeki nyɔngɔ á koɓoamɛ ndea Mokonga ɓea miki, kángiɛku tanda kó.»

Lóka 21:8

Yéso áǒsikisia te: «Ɛ́ngɛphani! Nkpa kanódemɛmbɛ. Nga, ɓakpa ɓásii ɓábikande k'ína ani na ɓáɔyɔnga gea: ‹Eme aámbé, nende Kiísito!› ‹Mbenɔ a ye tɔ bíbí.› Nanga áɓá ɓó, ɓókǒɓeɛmbɛ.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 12:16

Ɓáni na ɔ́kana sɔsɔɓɛ anu. Ɓókóɓɛmbɛ na měma á ébeba. Ɓáni ndiu na měma édidisa. Ɓókǒbisɛmbɛ ɓea ɓa mɔɔngɛ.

1 Ɓakɔlítɔ 15:33

Ɓókǒdemisɛmbɛ: «Támbágá na ɓakpa ɓájeɗe aomúja nkpa.»

1 Ɓakɔlítɔ 3:17

Aoɓá nkpa n'atúkatúki endu ndea Mokonga, Mokonga antúkatúkande nga, endu ndea Mokonga ande ɔma á kanga á ɓojeɗe, na ɓenu ɓáunge ɓonde endu ndɔɔ.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

Ɓagalatía 6:3

Mmbé aǒɗokomisa na nna na kantíti, aǒdema sisakɛ.

Ɓagalatía 6:7

Ɓókǒdemisɛgɛmbɛ sisanu, nga nkpa nnaɔtɔka n'annɛphɛigi Mokonga nga, nnde ookona aunge o tɔ oɗungua.

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Yakɔ́ɓɔ 1:22

Ɓókoikiɛmbɛ tɔ ɔ́ka á nyɔngɔ ndea Mokonga, tɔtɔkisani ndiu ú ka gea, ɓókǒdemɛmbɛ sasanu.

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

1 Yoáni 1:8

Aoɓá na ɓɛyɔngi gea, ɓéké na ɓojeɗe, ande gea, ɓědemi sisasu, ɗoni nna suɓi asu.