1 Ɓakɔlítɔ 3:16 - Ɔngana á Kɛ̌kɛ

¹⁶ Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 3:16 Iomraidhean Croise

Yoáni 14:17

Ande Měma á ɗoni, mmbé ɓato á ka mokonda ɓánáɔtɔka na ɓámɓeeki nga, ɓákáɔtɔka na ɓámɔni na úba akɛ. Ɓenu gǎkɛ, ɓoomúba nga, yɛ aoika kimoci na ɓenu, aɓande phɔtɔ suɓi anu.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:3

Ɓooɓosa te, ɓesu ɓɔbu íɓunde ɗáɓásóɓatisi ka nyɔngɔ á jukana asu na Yéso Kiísito, oɓatisɔ ndɔ asójúkanisi na yɛ ka kukuwa akɛ?

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

1 Ɓakɔlítɔ 3:17

Aoɓá nkpa n'atúkatúki endu ndea Mokonga, Mokonga antúkatúkande nga, endu ndea Mokonga ande ɔma á kanga á ɓojeɗe, na ɓenu ɓáunge ɓonde endu ndɔɔ.

1 Ɓakɔlítɔ 3:9

Nga, ɓɛɔmbɛɗaneaga Mokonga kimoci. Na ɓenu, ɓonde ciko na mɔphɛkɔ ndea Mokonga.

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

1 Ɓakɔlítɔ 6:16

Ɓókóoúba gea, nkpa nde aoɗá na nke á mambɔ, ɓá ye tɔ na yɛ nyama ímoci? Nga, ɓáɗundu suɓi á Ɓuku á Mokonga ɓe: «Mǒko na nke, ɓáɓande nkpa mo.»

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

1 Ɓakɔlítɔ 9:13

Nga, ɓooúba ánjá gea, ɓakpa nde ɓaɔbɛɗanaga k'éndu ndea Mokonga, ɓáɔtɔa ea nɛɓɔ suɓi éndu ndea Mokonga. Na ɓakpa nde ɓáɔbɛɗanaga ekuma ɔ́phɛ́ɔ gǔ á ɛtɛ-ɔ́phɛ́ɔ, ɓá tɔ na keɓu ínɛɓɔ ka nyama á phɛ́a ndɔɔ.

1 Ɓakɔlítɔ 9:24

Ɓókóoúba gea te, ɓo ɓea ɓato á njoko á gǎ á mbangɔ ɓásii? Nkpa moci tɔ ámbé ɓáɔnkɔma. Cɔ, ɓáni ɓea nkpa ndɔɔ.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

1 Timɔtɛ́ɔ 3:15

Cɔ, ne gǎkɛ koiphia kángá kiɗia, ɓaoɓa nde aoengande ka tambea akɔ sɔsɔɓɛ ékombo ndea Mokonga. Ekombo ndɔ ande kanisa ndea Mokonga mmbé aoenda, ande ngeɔ na cina á ɗoni.

2 Timɔtɛ́ɔ 1:14

Ámbá ánjá nyɔngɔ nde ɗáɓákophi, ka ɓukpɛkpɛ á Měma á kanga ɓojeɗe nnde aiki suɓi akɔ.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Yoáni 4:12

Nna tanda na nkpa nde amɔnimbɛmɔnɔ Mokonga. Aoɓá na ɓeokondana, Mokonga aiki suɓi asu na ekondi nɛkɛ atɔtɔkɛani ka ɓesu.