1 Ɓakɔlítɔ 3:14 - Ɔngana á Kɛ̌kɛ

¹⁴ Aoɓá ekuma á mɔphɛkɔ ndea nkpa na kásiɗi, nkpa ndɔ atɔande ophendɔ.

1 Ɓakɔlítɔ 3:14 Iomraidhean Croise

1 Ɓakɔlítɔ 3:8

Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

1 Ɓakɔlítɔ 9:17

Atúoɓá eme aámbé ɗɛ́sɔmbu ekuma nde sasani, ámbé netókeni na tɔá á ophendɔ. Cɔ, ka ɔna gea ɓámososi, akeni gǎkɛ tɔ nɛ́tɔtɔkisɛ ú.

Ɓagalatía 6:4

Akeni ndiu nkpa na nkpa áambɛ tambea akɛ sasakɛ. Aoɓá n'aóbeba áebebɛ ka yɛ sisakɛ. Kaékengeanisɛmbɛ ndiu na ɓakpa ɓunɛngbo.

1 Ɓatɛsalɔníka 2:19

Cɔ, mbenɔ á ja á Mɔkɔta nɛsu Yéso Kiísito, ani mmbé aɓande nseɓeɔ na maseye nɛsu, kaɓɛ na nna tɔndɔ ɓenu? Eya, ɓenu ɓáunge ɓoɓande kekombó nɛsu k'ébeba ně mosá akɛ.

2 Timɔtɛ́ɔ 4:7

Ɗémani emani ánjá, ɗéjú ka sungiaga á njoko á gǎ mbangɔ, ɗéambi ɓeekea nɛmɔ.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.