1 Ɓakɔlítɔ 3:12 - Ɔngana á Kɛ̌kɛ

¹² Cɔ, ɓakpa ɓuangbo ɓáɔphɛka gǔ á ɛtɛ ndɔ na láté, ngɔa, ɛtɛ á esombi akpɛ, me, kasa na manganga.

1 Ɓakɔlítɔ 3:12 Iomraidhean Croise

Ekuma á ɓateki 20:30

Sɔsɔɓɛ anu phɔtɔ, ɓademigi ɓákiɗianande ɓáɔyɔnga mbɛa na ɓootea á ɓaɓêki k'aphe nɛɓɔ.

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 3:11

Nga, ɛtɛ á kpanga á mɔphɛkɔ a ye ɓei, ande gea Yéso Kiísito. Nna ye na nkpa nde aɔtɔka n'abisi nɛngbo.

1 Ɓakɔlítɔ 3:13

Cɔ, k'ésa á tena á nyɔngɔ, etéte á ekuma ndea nkpa na nkpa aɔnɛkanande base. Esa ndɔ, aɓande na nsa, nsa ndɔ unge, aphangiande base etéte á ekuma ndea nkpa na nkpa.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

2 Timɔtɛ́ɔ 2:20

Eya, suɓi éndu ángbó, nna tɔndɔ na nkumba á láté na ngɔa, a gǎkɛ phɔtɔ na nnde á me na á toko. Nnde á láté na ngɔa, ɓáɔbɛɗaneaga ka jaí, nnde á me na á toko ɓá gǎkɛ ɔbɛɗaneaga ú esa bui.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

2 Timɔtɛ́ɔ 3:7

Ɓake ndɔ, ɓáokaɓa égoisaga esa bui, ɓáná gǎkɛ ɔtɔka na ɓáubi koɗoni kau.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

Mphaniɔ 2:14

Cɔ, ne gǎkɛ na oyeyɔ ábɔa k'óɓɛ: Mɔtɛ-akɔ, ona ɓakpa nde ɓáɓeeki ɓɔphɛi ndea Baláma. Baláma aámbé ɗángoɗi Baláka ábisɛ ephiphi ájeɗe ka Ɓaisilaɛ́li ka ɓɔnga aɓɔ gea, ɓáeɛ nyama nde ɓáphúi ka phɛ́a á ɓamokonga á mbɛa, na ɓágɛ k'aphe ótungɔ.

Mphaniɔ 21:18

Ɗáɓáphɛ̌ki ɓǔkendu ndɔ na Yáspi. Ntanga-nji sasakɛ áoɓá jǎi á láté n'aophénuaga ɓea ngaɛ́.

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.