1 Ɓakɔlítɔ 3:10 - Ɔngana á Kɛ̌kɛ

¹⁰ Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 3:10 Iomraidhean Croise

Matáyɔ 24:45

Cɔ, mbɛɗanigi sina mmbé aanjánjá n'aoúbapha mmbé mɔkɔta nɛkɛ amophi ophangɔ gǔ á ɓabɛɗanigi ɓuangbo ka gabea ɓɔ eea ka mbenɔ nde ɓákondi?

Matáyɔ 7:24

Nkpa buakɛ mmbé aɔɔ́ka nyɔngɔ nɛmɔ, na tɔtɔkisa í, akengeani na múbaphi, mmbé aphɛ̌ki endu nɛkɛ gǔ á ɛtɛ.

Lóka 11:35

Ɓî a ɓó, ɛ́ngɛpha ka gea, bɛnya nde a suɓi akɔ kěketiɛmbɛ ka kaiphiɔ.

Lóka 21:8

Yéso áǒsikisia te: «Ɛ́ngɛphani! Nkpa kanódemɛmbɛ. Nga, ɓakpa ɓásii ɓábikande k'ína ani na ɓáɔyɔnga gea: ‹Eme aámbé, nende Kiísito!› ‹Mbenɔ a ye tɔ bíbí.› Nanga áɓá ɓó, ɓókǒɓeɛmbɛ.

Ekuma á ɓateki 18:27

Mbenɔ nde Apɔ́lɔ ɗáokonda gǎ na Akáya. Ɓaɓêki á ka Ɛphɛ́sɔ ɓáomopha ɓukpɛkpɛ, ɓáoɗundua ɓaoɓa gea te, ɓaɓêki á ka Akáya ɓánseseɛ ánjá. Ajú ye kó, áǒenga phɛɛ ɓunde ɓá ye ɓaɓêki ka ɓonjánja-ékondi ndea Mokonga.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

Ɓalɔ́ma 15:15

Ɗénóɗundui ɓaoɓa nde na ɓukpɛkpɛ ka kanisianu nyɔngɔ nde ɓo ye úbi ú. Ɗégi ú ka ɓonjánja-ékondi nde Mokonga ɗámopi,

Ɓalɔ́ma 15:20

Mɔphɛ ani ɗátú tɔ ka tɔ̌miaga Mbino-Ánjá ɔma nde ɓákáɔ́kimbɛmɔnɔ nyɔngɔ á Kiísito. Ka gea te, kɛphɛ̌kɛmbɛ ɔma nde nkpa ɓaangbo ɗákpangi phɛ̌ka.

1 Ɓakɔlítɔ 3:11

Nga, ɛtɛ á kpanga á mɔphɛkɔ a ye ɓei, ande gea Yéso Kiísito. Nna ye na nkpa nde aɔtɔka n'abisi nɛngbo.

1 Ɓakɔlítɔ 9:2

Nanga ɓakpa ɓuangbo ɓámoyá gea ké nteki, ka ɓenu gǎkɛ, nende nteki. Nga, ɓenu sasanu, ɓonde mphangiɔ ékuma nɛmɔ á ɓá nteki nde ɓa Mɔkɔta.

2 Ɓakɔlítɔ 10:15

Cɔ, ɓékéǒɗokomisa amanyɛ́nyɛa ka nyɔngɔ á ekuma ndea ɓakpa ɓuangbo. Ɓeseɓei ndiu gea, ɓɔmɔtande ka ɓeekea nɛnu. Mpɔ, ekuma nɛsu â phɔtɔ ondanda sɔsɔɓɛ anu na sikia gǎkɛ tɔ ka muwɔ nde ɗáɓásóbisíí.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓakɔlɔsái 1:29

Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

Ɓakɔlɔsái 4:17

Ngoɗeani Aakípɔ gea: «Ɔ́ɛngɛphambɛ n'ekuma nde Mɔkɔta akophi, tɔtɔkisa ú ánjá.»

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

Yakɔ́ɓɔ 3:1

Ɓaya, ɓókoɓikɛmbɛ k'ékuma á goisaga nga ɓooúba gea, ɓátenande nyɔngɔ nɛsu ɓagoisigi akpɛ kɔ̌nyɛ́nya ɓakpa ɓuangbo.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

2 Pɛ́tɛɛ 3:15

Úbani ánjá gea, phiphia ndea Mɔkɔta nɛsu, aunge ande ɓoamia nɛnu á ka měma. Nndɔ unge Pɔ́lɔ, dasu ékondi, ɗánóɗundui phɔtɔ na kɔɓɔɔngɛ nde Mokonga ɗámophi.

Mphaniɔ 21:14

Ɗáɓáphɛ̌ki moguɓɔ á ntanga-nji ndɔ gǔ á ɛtɛ nkama na iɓɛ (12) nnde ɗáɓáɗundu gǔ í, ina á ɓateki nkama na iɓɛ (12) ndea Muna-mɔgɔgɔ.

Mphaniɔ 21:19

Ɗáɓátɔndí ɛtɛ nde ɓáɔphɛka moguɓɔ á endu gǔ í n'etéte bui á ɓ'ɛtɛ ésombi akpɛ: Á k'ama mosá-mosá, Yáspi. Á ko iɓɛ, Saphílɔ. Á ko isaɔ, Kalɛdɔ́ni. Á ko gena, Ɛmɛlɔ́dɛ.