1 Ɓakɔlítɔ 2:8 - Ɔngana á Kɛ̌kɛ

⁸ Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

1 Ɓakɔlítɔ 2:8 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Lóka 23:34

Mpɔ Yéso áɔyɔnga gea: «Abɛ íma ɓojeɗe nɛɓɔ nga, ɓákáoúba kema nde ɓáogea.»] Wa, ɓáogabisana ngɔ́mbɛ nɛkɛ mbusa á ɓɛta ɓana-mɛlɔɛ kau.

Yoáni 16:3

Ɓágeande ɓó nga, ɓákámúbi Abɛ, ɓákámoúbi phɔtɔ eme.

Yoáni 7:48

Ɓɔɔ́kimbɛmɔnɔ, ka ɓakɔta nɛsu, kaɓɛ ka Ɓaphaisáyɔ, n'amɓeeki?

Yoáni 8:19

Ɓâ gǎkɛ omúsia: «Cɔ, Abakɔ a wani?» Yéso áǒsikisia: «Ɓókóomoúba eme, ɓókó phɔtɔ omúba Abɛ. Ɓo ye omoúba eme, ámbé ɓomúbande phɔtɔ Abɛ.»

Ekuma á ɓateki 13:27

Cɔ, ɓato á ka Yɛusalɛ́ma na ɓakɔta nɛɓɔ, ɗáɓákámúbi Yéso. Ɗáɓákáúbi phɔtɔ nyɔngɔ ndea ɓaɔtu-nyɔngɔ ndea Mokonga, nnde ɗáɓáotanga esa á saɓáto bui. Ka tena nyɔngɔ á kukuwa á Yéso aunge ɗáɓátɔtɔkisi ɓoabi ndea ɓaɔtu-nyɔngɔ ndea Mokonga.

Ekuma á ɓateki 7:2

Sɛtɛphánɔ áǒsikisia ɓe: «Ɓabɛ na ɓana-ayi, ɔ́kani phɔ́! Mokonga, mɛna-ɓoombia ɗánkiɗianei tatasu Abalaámu n'aphɔ́tɔ ka nji á Mɛsɔpɔtamía, na káikimbɛ ka ntanga-nji á Aláni.

1 Ɓakɔlítɔ 1:20

Cɔ, nto á kɔɓɔɔngɛ awani? Ngoisigi-ɛɔphi awani? Nto á úbapha á ka mokonda awani? Mokonga kákěti phɔ́ kɔɓɔɔngɛ ndea ka mokonda nde ka kobóbó?

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

2 Ɓakɔlítɔ 3:14

Cɔ, kanisia aɓɔ áosia na ka kesande. Mbenɔ nde ɓáotanga ɓuku á ɔngana á kala, bɔngɔ ndɔ â tɔ oika wa. Bɔngɔ ndɔ ɓáphúiande tɔ ka nkpa nde aɔngani na Kiísito.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 4:18

na úbapha aɓɔ a tɔ suɓi á kaiphiɔ. Ɓáná na ɔma ka enda nde Mokonga aobikisa nga, ɓánde ɓasɔngɔɗa na ɓá na měma akpɛ.

1 Timɔtɛ́ɔ 1:13

Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

Yakɔ́ɓɔ 2:1

Cɔ, ɓaya, ɓenu íɓundɔ ɓomɓeeki Mɔkɔta nɛsu Yéso Kiísito, mɛna-ɓoombia, ɓókoɓɛmbɛ ǒɓaya ɓakpa ɓunɛngbo suɓi á ɓeekea nɛnu.