1 Ɓakɔlítɔ 2:6 - Ɔngana á Kɛ̌kɛ

⁶ Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

1 Ɓakɔlítɔ 2:6 Iomraidhean Croise

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Matáyɔ 19:21

Yéso áongea te: «Aoɓá n'okondi ɓá nto anjánjá phɛɛ, gǎ ósombisɛ nkumba nɛkɔ bubui, óɓophɛ ɓato á ɓuyɛnɛ imɔna í, na oɓande n'ɛtɔi na koba. Mpɔ, bika ómoɓeɛ.»

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Lóka 16:8

Mpɔ, mɔkɔta áobeba kɔɓɔɔngɛ ndea nambi-nkumba nanga ɓî ɗátú nto á maibe. Cɔ, ɓato á ka matú nde ɓá na kɔɓɔɔngɛ sɔsɔɓɛ aɓɔ.»

1 Ɓakɔlítɔ 1:28

Mokonga ɗásɔmbu kema á kanga ɓophombia á ka mokonda na kema á jǎi-jǎi á ka mokonda na nnde nna na kantíti, ka túkatúka á kema nde ana ɓoombia.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 2:1

Cɔ, ɓaya, mbenɔ nde eme, ɗéjú mɔtɛ-anu ka tɔ̌mia anu nyɔngɔ nde Mokonga ɗásɔmi, ɗékéyɔngi nyɔngɔ akpɛ ka engekisa í na ɗékéyɔngi na kɔɓɔɔngɛ phɛɛ.

1 Ɓakɔlítɔ 2:13

Ɓéké ɔphɛa ú na yɔnga á kɔɓɔɔngɛ á kokpa, ɓe ndiu ɔphɛa na yɔnga nde Měma á Mokonga aosópha. Kaɓondɔ, ɓɛɔyɔnga nyɔngɔ á ka phɔa Měma á Mokonga na ɓakpa nde ɓá tɔ na Měma á Mokonga.

1 Ɓakɔlítɔ 2:8

Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

1 Ɓakɔlítɔ 3:1

Cɔ, ɓaya, ɗékétɔki ngoɗea anu nyɔngɔ ɓea ɓakpa nde ɓá na Měma á Mokonga. Ɗɛ́yɔngi ndiu na ɓenu ɓea ɓakpa á ka mokonda ndee, ɓea ɓambɛnjɛ suɓi á ɓeekea á Kiísito.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 4:3

Aoɓá ɓakpa ɓuangbo na ɓánáoengekisa Mbino-Ánjá ndea Mokonga, ɓá ɓea ɓakpa na ɓáɗaki iso aɓɔ na bɔngɔ. A tɔ ɓó ka ɓakpa nde ɓáoɓúngaga.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

Ɓaɛbulanía 5:14

Eea akpɛ a ndiu tɔ ka ɓakpa nde ɓamɔti nga, ɓáɛmbani ye na katanisa á kema ánjá na kema ájeɗe.

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

Yakɔ́ɓɔ 3:2

Nga, ɓesu ɓɔbu ɓeogea nyɔngɔ ájeɗe-jeɗe. A gǎkɛ oɓá nkpa na nnaɔyɔngaga nyɔngɔ ájeɗe-jeɗe ande nkpa nde akeni, mmbé aɔtɔka amba nyama akɛ bui.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.