1 Ɓakɔlítɔ 2:5 - Ɔngana á Kɛ̌kɛ

⁵ Cɔ, cina á ɓeekea nɛnu, kaɓɛmbɛ mɔnɔ ka kɔɓɔɔngɛ á kokpa, áɓɛ ndiu ka ɓukpɛkpɛ phɛɛ ndea Mokonga.

1 Ɓakɔlítɔ 2:5 Iomraidhean Croise

Ekuma á ɓateki 16:14

Ka ɓake ndɔ moci, ina akɛ Lúdia nto á ka Tuatɛ́a, n'ande phɔtɔ nsombisigi ngɔ́mbɛ ánjɛ nnde ana esombi akpɛ, n'ande mɓángi-Mokonga. Mɔkɔta áokoɗa měma akɛ ka ɔ́ka bîbíbí yɔnga ndea Pɔ́lɔ.

1 Ɓakɔlítɔ 1:17

Kiísito ɗákámoteki ka ɓatisa á ɓakpa, ɗámoteki ndiu ka tɔ̌mia á Mbino-Ánjá. Kɛ́ɔtɔmia ú na kɔɓɔɔngɛ á yɔnga á kokpa ka gea, kukuwa á Yéso ka moyangɔ kaɓɛmbɛ kángá kantíti.

1 Ɓakɔlítɔ 3:6

Eme, ɗékoni mbó, Apɔ́lɔ áoɗukia iɓo, Mokonga â gǎkɛ ɔtɛisa ú.

2 Ɓakɔlítɔ 12:9

Mpɔ, Mokonga â gǎkɛ omosikisia gea: «Ɓonjánja ékondi nɛmɔ k'óɓɛ áɓɛ phɔ́ úngaa! Ɓukpɛkpɛ nɛmɔ atɔtɔkɛani suɓi á ɓɔɔlɔ nɛkɔ.» Kaɓondɔ, eme Pɔ́lɔ, nekondi gǎkɛ, néebebɛ ka nyɔngɔ á ɓɔɔlɔ nɛmɔ ka gea te, ɓukpɛkpɛ ndea Kiísito ámogbukumiɛ.

2 Ɓakɔlítɔ 4:7

Ɓesu íɓunde ɓekumbi ɛtɔi á ka měma ndɔ, ɓe gǎkɛ ɓea mbeka-toko. Mokonga ɗági ɓondɔ ka úbisa a ɓakpa gea, ɓukpɛkpɛ nɛkɛ aángbó, kátóki ka ɓesu sisasu.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,