1 Ɓakɔlítɔ 2:4 - Ɔngana á Kɛ̌kɛ

⁴ Ɓɔphɛi nɛmɔ na goisaga nɛmɔ, ɗékétú ogea ú ka ɓɔngaga anu na kɔɓɔɔngɛ á kokpa. Ɗé ndiu onógoisaga ka ɓukpɛkpɛ phɛɛ á Měma á Mokonga.

1 Ɓakɔlítɔ 2:4 Iomraidhean Croise

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ekuma á ɓateki 26:28

Mpɔ Agiípa áonsikisia Pɔ́lɔ te: «Ooúba te, ɔɔtɔka n'ɔmɔɓɔngi ka mbenɔ ábɔa néoɓá mokiísito?»

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

1 Ɓakɔlítɔ 1:17

Kiísito ɗákámoteki ka ɓatisa á ɓakpa, ɗámoteki ndiu ka tɔ̌mia á Mbino-Ánjá. Kɛ́ɔtɔmia ú na kɔɓɔɔngɛ á yɔnga á kokpa ka gea, kukuwa á Yéso ka moyangɔ kaɓɛmbɛ kángá kantíti.

1 Ɓakɔlítɔ 2:1

Cɔ, ɓaya, mbenɔ nde eme, ɗéjú mɔtɛ-anu ka tɔ̌mia anu nyɔngɔ nde Mokonga ɗásɔmi, ɗékéyɔngi nyɔngɔ akpɛ ka engekisa í na ɗékéyɔngi na kɔɓɔɔngɛ phɛɛ.

1 Ɓakɔlítɔ 2:13

Ɓéké ɔphɛa ú na yɔnga á kɔɓɔɔngɛ á kokpa, ɓe ndiu ɔphɛa na yɔnga nde Měma á Mokonga aosópha. Kaɓondɔ, ɓɛɔyɔnga nyɔngɔ á ka phɔa Měma á Mokonga na ɓakpa nde ɓá tɔ na Měma á Mokonga.

1 Ɓakɔlítɔ 4:20

Koɓoamɛ ndea Mokonga nna tɔ ka yɔngaga, a ndiu ka ɓukpɛkpɛ.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Ɓakɔlɔsái 2:4

Nɛyɔngi nndɔ ka gea, nkpa kanódemɛgɛmbɛ nanga ánɔɓɔngaga.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.