1 Ɓakɔlítɔ 2:3 - Ɔngana á Kɛ̌kɛ

³ Kaɓondɔ, mbenɔ nde eme ɗéjú mɔtɛ-anu, ɗékétú na ɓukpɛkpɛ, néoɓá na kɔɓɔɓɔkɔ, nyama áɔmɔsɔka.

1 Ɓakɔlítɔ 2:3 Iomraidhean Croise

Ekuma á ɓateki 17:1

Pɔ́lɔ na Síla ɓáɔnyɛ́nya k'aphe á ntanga-nji Amphipɔ́li na Apɔlɔnía, ɓáojua ka Tɛsalɔníka, ɔma nde endu á madondanɔ ndea Ɓayúda ka nyɔngɔ á Mokonga ɗátú.

Ekuma á ɓateki 18:1

Mbusa índɔ, Pɔ́lɔ áotóka ka Atɛ́nɛ, áoga na Kɔlítɔ.

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ekuma á ɓateki 18:6

Ɓayúda ɓâ ndiu oya nyɔngɔ ndea Pɔ́lɔ na bóma akɛ. Kaɓondɔ, Pɔ́lɔ áǒciciia bɔngɔ nɛkɛ, áǒngoɗea te: «Magia anu, áɓɛ ye tɔ ka mɔ̌ anu sasanu. Nna yé nyɔngɔ nɛmɔ. Kɛ̌kɛnde negande k'ékuna nɛngbo.»

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

2 Ɓakɔlítɔ 4:16

Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 7:15

Títɔ anokondi phɛɛ nga, aokanisia ɓíndɔ ɗɔ́ɓɔɔmɔ́ka yɛ, ɓóonsesea, ɓóonɗokomisa na ɓánga akɛ.

2 Ɓakɔlítɔ 7:5

Nga, mbenɔ nde ɗéɓejú ka Makɛdɔnía mosá, ɗéɓékéúmbi, ɓê ndiu otambaga phɛɛ: Oyombɔ, ɓéoɓá na ɓánga.

Ɓaɛphɛ́sɔ 6:5

Ɓenu ɓakɔɓɛ, ɓáni kusi á ɓakɔta nɛnu á ka mokonda, óɗokomisani na ɓánga aɓɔ kángá á maibe, ɓíndɔ ɓoombɛɗaneaga Kiísito.