1 Ɓakɔlítɔ 2:14 - Ɔngana á Kɛ̌kɛ

¹⁴ Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 2:14 Iomraidhean Croise

Matáyɔ 16:23

Yéso áǒpháia ka Pɛ́tɛɛ, áongea: «Já nɛkɔ mbusa ani, Sɛtáni nde ca! Onde ephiphi ájeɗe k'éme nga, kanisia akɔ nna ɓea Mokonga, a ndiu tɔ á kokpa.»

Yoáni 10:20

Ɓakpa ɓásii sɔsɔɓɛ aɓɔ ɓáogea: «Ana ɓansombo, ayaí! Cɔ, ɓɔɔmɔ́ka ka ɓo?»

Yoáni 12:37

Nanga ɓî Yéso ɗátɔtɔkisi ketangaɔ ásii mosá aɓɔ, ɗáɓákámɓeeki.

Yoáni 14:17

Ande Měma á ɗoni, mmbé ɓato á ka mokonda ɓánáɔtɔka na ɓámɓeeki nga, ɓákáɔtɔka na ɓámɔni na úba akɛ. Ɓenu gǎkɛ, ɓoomúba nga, yɛ aoika kimoci na ɓenu, aɓande phɔtɔ suɓi anu.

Yoáni 14:26

Abɛ anotekisiande Nengi, n'ande Měma á kanga ɓojeɗe k'ína ani. Anophangiagande kema bui na kanisia anu nyɔngɔ bui nde ɗénongoɗi.

Yoáni 15:26

Nenotekisiande Nengi n'atóki ka Abɛ. Ande Měma á ɗoni, mmbé atóki mɔtɛ á Abɛ. Mbenɔ nde akiɗiande, yɛ aámbé amoɗigimisande.

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Yoáni 8:43

Ka nyɔngɔ sina nde ɓókóoengekisa nyɔngɔ nde neonongoɗea? A tɔ ka nyɔngɔ nde, ɓɔ́kɔ́ɔtɔka ɔ́ka á nyɔngɔ nɛmɔ.

Ekuma á ɓateki 16:14

Ka ɓake ndɔ moci, ina akɛ Lúdia nto á ka Tuatɛ́a, n'ande phɔtɔ nsombisigi ngɔ́mbɛ ánjɛ nnde ana esombi akpɛ, n'ande mɓángi-Mokonga. Mɔkɔta áokoɗa měma akɛ ka ɔ́ka bîbíbí yɔnga ndea Pɔ́lɔ.

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 17:32

Ɓî ɓato á ka Atɛ́nɛ ɓáɔ́ki ye nyɔngɔ á jujúka á ɓasí ka kukuwa, ɓuangbo ɓáɔntɛbɛa, ɓuangbo ɓâ gǎkɛ ogea te: «Ɓɛɔ́kande goto n'ɔɔyɔnga nyɔngɔ ndɔ esa nɛngbo.»

Ekuma á ɓateki 18:15

Cɔ, ɓî ɓoopúa ka phɔa nyɔngɔ, ina na ɛɔphi nɛnu sasanu, nndɔ a tɔ ɔnɔɛnjia ɓenu. Kékondi gǎkɛ ɓá nteni-nyɔngɔ ndɔɔ.»

Ekuma á ɓateki 25:19

Ɗáɓátú tɔndɔ opúa na yɛ ka nyɔngɔ á esomba nɛɓɔ sasaɓɔ, na ka nyɔngɔ á nkpa moci ina akɛ Yéso, mmbé ɗáku. Pɔ́lɔ ɗági gǎkɛ te, a phɔ́tɔ koenda.

1 Ɓakɔlítɔ 1:18

Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 1:23

Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

1 Ɓakɔlítɔ 1:25

Ka nyɔngɔ nde, kobóbó nde ɓáte Mokonga aně, ande kɔɓɔɔngɛ phɛɛ kɔnyɛ́nya kɔɓɔɔngɛ ndea ɓakpa. Ɓɔɔlɔ nde ɓáte Mokonga aně, ande ɓukpɛkpɛ phɛɛ kɔnyɛ́nya ɓukpɛkpɛ ndea ɓakpa.

1 Ɓakɔlítɔ 15:44

Ɓáomúmba n'ana nyama á ka mokonda, áojujuka na nyama nde ana enda. Ɓî ɓena nyama á ka mokonda, ɓeɓaeka phɔtɔ na nyama nde ana enda.

1 Ɓakɔlítɔ 15:46

Nna nyama nde ana enda aunge aokpanga. Nyama á ka mokonda ndiu unge aokpanga, mpɔ nndɔ ana enda áobika mbusa.

1 Ɓakɔlítɔ 2:12

Ɓesu, ɓékétɔi měma á ka mokonda ndee, ɓɛtɔi ndiu Měma nde atóki mɔtɛ á Mokonga ka gea, ɓéúbɛ kema bui nde ɗásóphi ka ɓonjánja-ékondi ndea Mokonga.

1 Ɓakɔlítɔ 3:1

Cɔ, ɓaya, ɗékétɔki ngoɗea anu nyɔngɔ ɓea ɓakpa nde ɓá na Měma á Mokonga. Ɗɛ́yɔngi ndiu na ɓenu ɓea ɓakpa á ka mokonda ndee, ɓea ɓambɛnjɛ suɓi á ɓeekea á Kiísito.

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

1 Yoáni 2:20

Cɔ, Kiísito ɗánóphi ɓenu Měma á kanga ɓojeɗe ka gea, ɓenu ɓɔbu ɓóúbɛ ɗoni.

1 Yoáni 2:27

Ɓî ɓo ye tɔi Měma á Mokonga nnde a suɓi anu, ɓókó ye gǎkɛ na siki á ngoisigi ɓaangbo. Nga, Měma á Mokonga aonógoisaga kema bui. Goisaga nɛkɛ ande á ɗoni, nna á mbɛa. Kaɓondɔ, ɔnganani na Kiísito ɓíndɔ Měma á Mokonga atónogoisigi.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Yúda 1:19

Ɓɔ ɓáunge ɓánde cina á katanaga á ɓakpa. Ɓato á mɔphɛ á ka nyama, kángá Měma á Mokonga.