1 Ɓakɔlítɔ 2:10 - Ɔngana á Kɛ̌kɛ

¹⁰ Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

1 Ɓakɔlítɔ 2:10 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Matáyɔ 16:17

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.

Lóka 10:21

Ka mbenɔ ndɔ tɔ, Yéso áotúma na maseye ka ɓukpɛkpɛ á Měma á kanga ɓojeɗe. Áɔmɛma ɓe: «Hoo! Abɛ, Mɔkɔta á ka mokonda na koba, neosikisíí ɓosegi nga, ɔsɔ̌mi moangɔ nɛkɔ ka ɓaúbaphi na ɓato á kɔɓɔɔngɛ, ô ndiu obisa base ka ɓaniki ɓábɔbɔa. Eya, Abɛ! A ɓó nga, ɓondɔ unge ɗókondi.»

Lóka 2:26

Měma á kanga ɓojeɗe ɗámúbisi gea, kákuwɛku mosá á ɔna ka Kiísito mmbé Mɔkɔta anteki.

Yoáni 14:26

Abɛ anotekisiande Nengi, n'ande Měma á kanga ɓojeɗe k'ína ani. Anophangiagande kema bui na kanisia anu nyɔngɔ bui nde ɗénongoɗi.

Yoáni 16:13

Mbenɔ nde yɛ Měma á ɗoni abikande, anɔsɔndɔɛande k'aphe á ɗoni bui. Káyɔngɛku ka kɔkɔta nɛkɛ sasakɛ, nyɔngɔ bui nde aɔ́kaeka mɔtɛ á Abɛ, a ndiu unge anɔtɔmiande. Anɔtɔmiande nyɔngɔ nde abikaeka.

1 Ɓakɔlítɔ 14:30

A gǎkɛ oɓá nkpa moci n'aɔni kema á ɓɔsɔmɛa ndea Mokonga, ambe nkpa ndɔ aɔyɔnga ádakanɛ.

1 Ɓakɔlítɔ 2:11

Cɔ, ani mmbé aoúba nyɔngɔ á ka měma á dakɛ? Měma á nkpa sasakɛ tɔ unge aoúba. A phɔtɔ ɓó ka Mokonga. Nkpa nnaoúba nyɔngɔ á suɓi á Měma á Mokonga, na nna tɔndɔ Měma akɛ sasakɛ.

Ɓagalatía 1:12

Nga, nna nkpa aámbé ɗámopi na goisaga ani ú. Yéso Kiísito ndiu aámbé amogoisigi ú.

Ɓaɛphɛ́sɔ 3:3

Mokonga aámbé ɗámɔɔphani ka úbisa ani moangɔ nɛkɛ á ɓɔsɔmɛa. Ɗéneɗundu ábɔa ka nyɔngɔ í gǔ.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

1 Timɔtɛ́ɔ 4:1

Cɔ, Měma á Mokonga ayɔngi base gea, ka mbenɔ á sungiaga, ɓakpa ɓunɛngbo ɓáɗeketande ɓeekea, ɓáǒɓea ɓaketi na ɓɔphɛi nɛɓɔ á mbɛa.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Yoáni 2:20

Cɔ, Kiísito ɗánóphi ɓenu Měma á kanga ɓojeɗe ka gea, ɓenu ɓɔbu ɓóúbɛ ɗoni.

1 Yoáni 2:27

Ɓî ɓo ye tɔi Měma á Mokonga nnde a suɓi anu, ɓókó ye gǎkɛ na siki á ngoisigi ɓaangbo. Nga, Měma á Mokonga aonógoisaga kema bui. Goisaga nɛkɛ ande á ɗoni, nna á mbɛa. Kaɓondɔ, ɔnganani na Kiísito ɓíndɔ Měma á Mokonga atónogoisigi.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 2:24

Cɔ, ka ɓenu ɓato á ka kanisa á ka Tuatɛ́a, ɓunde ɓókótóɓeeki ɓɔphɛi ndea nke ndɔ Yɛjɛbɛ́li, na ɓókóoúba kema nde ɓakpa ndɔ ɓáɔɔphana ‹kema á ɓɔsɔmɛa ndea Sɛtáni›, nenóngoɗi gea, kénokumbisɛku nkumba nɛngbo.