1 Ɓakɔlítɔ 16:6 - Ɔngana á Kɛ̌kɛ

⁶ Neoúba te neikande na ɓenu mɔtɛ-anu ka ɓ'esa ábɔa ka ɓɛjɔ. Mpɔ, ɓômoenga ka tútuisa tamba nɛmɔ.

1 Ɓakɔlítɔ 16:6 Iomraidhean Croise

Ekuma á ɓateki 15:3

Ka Antiɔkía, kanisa áǒɓopha kema nde akeni enga aɓɔ ka tamba. Ɓáɔnyɛ́nya ka Phɔinikía na Samalía, ɓáɔ̌tɔmiaga ɓaɓêki nyɔngɔ ɓî ɓato á k'ékuna nɛngbo ɓámɓeeki Mokonga. Nyɔngɔ ndɔ áɔ̌ɓɔngɛa ɓaɓêki ɓɔbu phɛɛ.

Ekuma á ɓateki 17:15

Ɓundɔ ɗáɓántambisi Pɔ́lɔ, ɓáonjúsa ka Atɛ́nɛ. Ka ja á ɓɔ, Pɔ́lɔ áǒngoɗea gea, ambe Síla na Timɔtɛ́ɔ ɓákamisɛgɛ gǎ donda akɛ.

Ekuma á ɓateki 20:38

Ɓáoɓá na ngomi ka měma aɓɔ phɛɛ nga, ɗáyɔngi, ɓɔ́kɔ́mɔɔnɛ ku ye k'eme. Mbusa, ɓáoga ɔmɔkɔwa ka ikɔ.

Ekuma á ɓateki 21:5

Ɓî ɓegɔɓi ye pɔsɔ ndɔ, ɓê gǎkɛ ɔmɛa. Ɓaɓeeki ɓɔbu kimoci na ɓake aɓɔ na ɓánaɓɔ, ɓáoga ɔsɔ́ɔkɔwa ka ngba á ntanga-nji. Ɓesu ɓɔbu, ɓéogbúka muanku asu k'ɔ́ɓɛɛ á oɓenge, ɓɛ́ɔmɛma Mokonga.

Ekuma á ɓateki 27:12

Cɔ, ɓî ikɔ ndɔ ɗákátú ánjá ka ika á ɓei ka matú á phiɔ, ɓakpa ɓásii á suɓi á koko ɓáoɓeekeana tóka á kó ka gea, kaɓɛ n'atɔtɔkɛani ɓákiɗiɛ na Phɔiníkɛ, ka ɓondeaga á sia á matú á phiɔ kó. Phɔiníkɛ ande ikɔ moci ka kesanga á ka Kɛɛ́tɛ, ɗátú kɔɔnjia nkɛkɛɔ á kusi á oyonga na gǔ á oyonga.

Ekuma á ɓateki 28:11

Mbusa á ɓasonge ɓasaɔ, ɓéoga ka koko á ka Alɛsanduía nnde ɗányɛ́nyisi mbenɔ á phiɔ ka kesanga ndɔɔ. Koko kau, ina í ɗátú «Ɓamokonga á mbɛa ɓaphase.»

Ɓalɔ́ma 15:24

Mbenɔ nde negande na Spanía, neseɓei gea nɛnɔɔnande ka nyɛ́nyani na ɓomotaɓeande ka tamba ndɔɔ. Neɓande na maseye á ika na ɓenu ka mbenɔ ábɔa.

1 Ɓakɔlítɔ 16:11

Ka ɓenu moci kamɓɛnjiɛgɛ mɔnɔ. Ɓónengambɛ ánjá ka tútuisa tamba nɛkɛ na ɓujɛjɛ, ka gea, ámodondɛ nga, neomɓondeaga kimoci na ɓadani.

2 Ɓakɔlítɔ 1:16

Ande gea te, ɗénesui donda anu mosá á gǎ ani na Makɛdɔnía. Mbusa, nê goto onódonda ka ja ani gea, ɓómotúmbaneɛ ka gǎ na Yudɛ́a.

Títɔ 3:12

Cɔ, mbenɔ nde nentekande Aatɛ́ma kaɓɛ Tikíkɔ mɔtɛ-akɔ, ókamisagande bika á donda ani ka Nikɔpɔ́li nga, nekondi ika kó ka matú á phiɔ.