1 Ɓakɔlítɔ 16:15 - Ɔngana á Kɛ̌kɛ

¹⁵ Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

1 Ɓakɔlítɔ 16:15 Iomraidhean Croise

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

Ɓalɔ́ma 15:25

Kɛ̌kɛnde gǎkɛ nege na Yɛusalɛ́ma ka bɛɗaneaga ɓaɓêki.

Ɓalɔ́ma 15:31

Ɛmɛmi ndɔ ande ka gea ɓunde ɓákámɓeeki Yéso ka Yudɛ́a ɓákámogeɛmbɛ ájeɗe na nnde nebiki ně ka enga ɓɔ ka Yɛusalɛ́ma, ɓato á kanga ɓojeɗe ɓáɓeekeɛ ú.

Ɓalɔ́ma 16:2

Nseseani yɛ ɓíndɔ ɓakiísito ɓámôogeaga k'ína á Mɔkɔta. Néngani ka kema bui nde ana siki í nga, yɛ ɗééngi ɓakpa ɓásii n'eme phɔtɔ.

Ɓalɔ́ma 16:5

Něsambei phɔtɔ ɓato á ka kanisa ɓunde ɓáodondanaga k'éndu mɔtɛ-aɓɔ. Nensambei dani ékondi Ɛpɛnɛ́tɔ, mmbé ɗátú mɓêki á k'ama mosá-mosá ndea Kiísito ka Asía.

1 Ɓakɔlítɔ 1:16

Eya, ɗééɓatisi phɔtɔ ɓato á k'ékombo ndea Sɛtɛphánɔ. Kéoúba gea, ɗémɓatisi ye goto nkpa ɓaangbo.

1 Ɓakɔlítɔ 16:1

Cɔ, ka moangɔ á kɔngɔa kema ka ɓaɓêki á ka Yɛusalɛ́ma, geani phɔtɔ ɓó ɓíndɔ ɗéněngoɗi Ɓagalatía.

1 Ɓakɔlítɔ 16:17

Nena maseye ka kiɗia á Sɛtɛphána, Phɔɔtunátɔ na Akaíkɔ. Nga, ɓánɔpɛni ye tɔ.

2 Ɓakɔlítɔ 8:4

Ɗáɓásóɗengemisigi phɛɛ gea, ɓééyameɛ ka nyɔngɔ á enga ɓakiísito ɓunde ɓá ka Yudɛ́a.

2 Ɓakɔlítɔ 9:1

Ɓaya, kákeni goto nénoɗunduiɛ nyɔngɔ á taɓeá á ɓakpa ndea Mokonga ɓunde ɓá ka Yudɛ́a.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

Philɛmɔ́nɔ 1:7

Dani, ekondi nɛkɔ ɗámopi maseye phɛɛ na gbagisaga měma ani ka nyɔngɔ nde, ɗɔ́phɔngisigi měma á ɓato á Mokonga.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.